ाडळसरे निम्न तापी प्रकल्पाला भेट

07 July, 2026 ाडळसरे निम्न तापी प्रकल्पाला भेट

अमळनेरनजिक तापी नदीवर बांधण्यात येत असलेल्या पाडळसरे निम्न तापी प्रकल्पाला भेट देऊन सुरू असलेले काम बघितले. जळगाव व धुळे जिल्ह्यातील सहा तालुक्यांच्या सिंचनाला या प्रकल्पाचा मोठा लाभ होणार आहे. खूप विस्तीर्ण पात्र असून, 24 गेट असलेला प्रकल्प साकारतो आहे. परिसरातील लोकप्रतिनिधींचा सततचा पाठपुरावा व मा. अजितदादा पवार असताना त्यांनी लक्ष घातल्याने या प्रकल्पाला गती मिळाली. केंद्रानेही मोठा निधी उपलब्ध करून दिला त्यामुळे बऱ्यापैकी काम पुढे गेले आहे. नेहमी या प्रकल्पासंबंधीत बातम्या येतात. त्यामुळे साइटवर नेमके काय चालू आहे हे प्रत्यक्ष बघण्याची इच्छा होती. अमळनेर दौऱ्याच्या निमित्ताने ते बघता आले. #PadalsareProject #KiranAgrawalLokmatJalgaon

श्रीराम रथोत्सव! 2026

30 March, 2026 श्रीराम रथोत्सव!

नाशिककरांच्या आस्था व श्रद्धेचा उत्सव म्हणजे श्रीराम रथोत्सव! यातील ही काही सहभाग चित्रे... Kiran Agrawal #NashikShriRamRathotsav

जय शिवराय!!

19 Feb, 2026 जय शिवराय!!

हिंदवी स्वराज्य संस्थापक, आपले आराध्य दैवत छत्रपती शिवाजी महाराजांना कोटी कोटी प्रणाम.. शिवजयंती निमित्त जळगावच्या सार्वजनिक शिवजयंती समितीच्यावतीने काढण्यात आलेल्या शोभायात्रेप्रसंगी शिवतीर्थावर महापौर रत्नमाला काळे तसेच सर्वश्री मराठा सेवा संघाचे राम पवार, सुरेंद्र पाटील, अमर जैन, गनी मेमन, पुरुषोत्तम चौधरी, किरण बच्छाव, महेश गोरडे, अमोल देशमुख आदींसमवेत .. Kiran Agrawal जयंती उत्सवानिमित्त शिवाज्ञा ग्रुपतर्फे आयोजित रक्तदान शिबिरातील रक्तदात्यांना प्रमाणपत्रही वितरित करण्यात आलीत. राजे घ्या आमुचा मानाचा मुजरा!

#KiranAgrawal #ShivJayanti2026

दिव्यांग बालकांच्या पालकांसाठी मार्गदर्शन...

31 Jan, 2026 दिव्यांग बालकांच्या पालकांसाठी मार्गदर्शन...

कुटुंबातील दिव्यांग बालकांचे पालन पोषण ही खूप अवघड बाब, संबंधित कुटुंबालाच त्यासाठीचे दिव्य ठाऊक असते. पण ही जबाबदारी पार पाडताना ती संतसेवेच्या भावनेने केली तर त्याचे ओझे वाटणार नाही, असा मोलाचा सल्ला नारायण रेकी संस्थानच्या प्रमुख मार्गदर्शिका राजेश्वरी मोदी तथा राजदीदी यांनी दिला आहे. जळगाव येथे या संस्थेच्या पुढाकाराने व जिल्हाधिकारी आणि जिल्हा परिषदेच्या दिव्यांग विभागाच्या सहकार्याने अशा बालकांच्या पालकांसाठी विशेष समुपदेशनाचे सत्र आयोजिण्यात आले होते. राज दीदी व अन्य मान्यवरांसमवेत या सत्राचे दीप प्रज्वलनाने उद्घाटन करण्याची संधी लाभली. यानिमित्ताने दीदींशी संवादही साधता आला. नारायण रेकी संस्थानच्या जळगाव केंद्रप्रमुख कला प्रशांतजी अग्रवाल, सुनीता दमानी, डॉ. सुरेश अग्रवाल, विनिता मंडोरा, दिनेश थोरात आदिंनी कार्यक्रमाचे संयोजन केले. #Rajdidi #RajeshwariModi #KiranAgrawal

रावेरमध्ये ध्वजवंदन 2026

26 Jan, 2026 रावेरमध्ये ध्वजवंदन...

प्रजासत्ताक दिनाचे ध्वजवंदन यंदा रावेर येथे केले. सरदार जी जी हायस्कुलच्या प्रांगणातील मुख्य शासकीय सोहळ्यात तहसिलदार संजय तायडे यांच्याहस्ते ध्वजारोहण झाले. सरदार जी जी मध्ये शिकायला होतो तेव्हा रावेरमध्ये धवजवंदन केले होते, त्यानंतर बाहेर गेलो. त्यामुळे इतक्या वर्षांनी आज मूळ गावी पुन्हा हा योग लाभला. यावेळी पथसंंचलन व सांस्कृतिक कार्यक्रमानी देशभक्तीचा हुंकार भरला. विविध मान्यवरांचा सन्मान तसेच विद्यार्थ्यांना गणवेश वाटप करण्याचे भाग्य लाभले. नगराध्यक्ष संगीता महाजन, माजी नगराध्यक्ष हरीश गनवाणी, स्वीकृत नगरसेवक पद्माकर महाजन, दिवंगत स्वातंत्र्य सेनानी यांच्या पत्नी शहानुरबी शेख, नायब तहसीलदार आर डी पाटील, पोलीस निरीक्षक विशाल जयस्वाल तसेच डॉ. सुरेश पाटील, दिलीप कांबळे, सी एस पाटील, माऊली फाउंडेशनचे डॉ संदीप पाटील, पत्रकार स्नेही किरण चौधरी, दिलीप वैद्य आदी समवेत होते ... #KiranAgrawal #Raver

'केसीई' सोसायटीचा क्रीडा महोत्सव 2026

17 Jan, 2026 'केसीई' सोसायटीचा क्रीडा महोत्सव..

जळगाव जिल्ह्यातील सुमारे 25 हजार विद्यार्थ्यांना ज्ञानदान करणारी संस्था म्हणजे खान्देश कॉलेज ऑफ एज्युकेशन सोसायटी. प्रज्ञावंत नंदूदादा बेंडाळे यांच्या अथक परिश्रमातून वाटचाल करणाऱ्या या संस्थेत परीक्षेत पास होणाऱ्या शिक्षणासोबतच मन व मनगट मजबूत करणारे उपक्रमही आवर्जून राबविले जातात. अध्यात्म व क्रीडा असा मेळ साधला जातो. या संस्थेच्या यंदाच्या क्रीडा महोत्सवाचे उद्घाटन माझ्या हस्ते करण्यात आले. 12 क्रीडा प्रकारातील स्पर्धा तीन दिवस होत आहेत. विविध संघांचे शानदार पथसंचलन व सांस्कृतिक कार्यक्रमात क्रीडा ज्योत प्रज्वलित करून महोत्सवाचे उद्घाटन झाले.

सोसायटीचे अध्यक्ष संजय प्रभूदेसाई, डी टी पाटील, शशिकांत वडोदकर, प्राचार्य डॉ भारंबे, प्रा बी व्ही पवार, प्रा विश्वनाथ झोपे, डेव्हिड दास, धनश्री फालक आदि यावेळी समवेत होते #KCESocity #KiranAgrawal

तपस्वी व्यक्तिमत्त्वाची एक्झिट...

18 Dec 2025 तपस्वी व्यक्तिमत्त्वाची एक्झिट...

आंतरराष्ट्रीय ख्यातीचे मुक्त शिल्पकार राम सुतार यांच्या 'एक्झिट'ने समस्त कलाक्षेत्राचे एक पर्व निमाले आहे. शिल्पसृष्टीतील तपस्वी कलाकार असलेल्या राम काकांनी नर्मदा सरोवराकाठच्या 'स्टॅच्यू ऑफ युनिटी'सह विविध राष्ट्रपुरुषांचे शिल्प देश विदेशात साकारले आहेत. पद्मश्री, पद्मभूषण तसेच महाराष्ट्र भूषण अशा अनेकविध पुरस्कारांनी सन्मानित या व्यक्तिमत्वास मुंबईत झालेल्या 'लोकमत महाराष्ट्रीयन ऑफ द इयर 2019'च्या कार्यक्रमात भेटण्याचा योग आला होता. इतके उत्तुंग व्यक्तिमत्व, पण त्यांनी ज्या आपलेपणाने विचारपूस केली व संवाद साधला ते कदापी विसरता येणार नाही. त्यांचे जन्मगाव धुळे जिल्ह्यातील, त्यामुळे तेथले हालहवाल त्यांनी जाणून घेतले होते. त्यांच्यातील साधेपणा व हळवेपणाचा तो प्रत्यय भारावून टाकणाराच होता. राम काकांना भावपूर्ण अभिवादन... #RamSutar

णमो अरिहंताणम् ...

10 April 2025 णमो अरिहंताणम् ...

जळगाव येथे भगवान महावीर जन्म कल्याणक महोत्सव मोठ्या उत्साहात साजरा करण्यात येत आहे. यात आज तीर्थंकर प्रभू श्री महावीर स्वामींच्या जयंतीनिमित्त जैन मुनींच्या पावन सानिध्यात भव्य शोभायात्रा काढण्यात आली. शोभायात्रेचा समारोप प्रख्यात समाजसेवी शांतीलालजी मुथा यांच्या मार्गदर्शनाने झाला. यावेळी इंडियन रेडक्रॉस सोसायटीतर्फे रक्तदान शिबिरही आयोजित करण्यात आलेले होते. यात सहभागी होत सर्वश्री शांतीलालजी मुथा, राज्याचे माजी मंत्री, ज्येष्ठ नेते सुरेशदादा जैन, संघपती दलिचंदजी जैन, जैन इरिगेशनचे अशोकभाऊ जैन, माजी आमदार मनीष जैन, नयनताराजी बाफना, महोत्सव समितीचे अध्यक्ष राजकुमार सेठिया, डॉ. प्रसन्नकुमार रेदासानी आदी मान्यवरांसमवेत ... Kiran Agrawal

#Jalgaon #MahavirJayantiJalgaon #KiranAgrawalLokmatJalgaon

राजेंना मानाचा मुजरा!!

19 Feb, 2025 राजेंना मानाचा मुजरा!!

स्वराज्य संस्थापक छत्रपती शिवाजी महाराज यांच्या जयंती निमित्त सार्वजनिक शिवजयंती उत्सव समिती तसेच जिल्हा प्रशासनाच्या विद्यमाने भव्य शोभायात्रा काढून राजेंना वंदन करण्यात आले. यावेळी खासदार स्मिताताई वाघ, आमदार राजूमामा भोळे, चंद्रकांत सोनवणे, जिल्हाधिकारी आयुषप्रसाद, जिल्हा पोलीस अधीक्षक डॉ. महेश्वर रेड्डी, महापालिका आयुक्त ज्ञानेश्वर ढेरे, जिल्हा परिषद मुख्य कार्य. अधिकारी अंकित, उत्सव समिती अध्यक्ष प्रतिभा शिंदे, करीम सालार, विष्णू भंगाळे, सुरेंद्र पाटील आदी मान्यवरांसमवेतची सहभाग चित्रे. शिवजयंतीनिमित्त शिवतीर्थावर मराठा प्रीमियर लीगतर्फे शिवकालीन ऐतिहासिक दस्तऐवजांचे प्रदर्शनही भरविण्यात आले आहे. राजेंच्या शौर्याची गाथा आणि आरमाराची व्यवस्था यातून उलगडते. यावेळी राहुल पवार, अनिल जोशी, हर्षल पाटील समवेत होते. #Shivjayanti2025 #KiranAgrawal

नाशिक प्रॉपर्टी एक्स्पो ... 2025

15 Jan, 2025 नाशिक प्रॉपर्टी एक्स्पो ...

नरेडको या संस्थेतर्फे जळगावच्या सागर पार्कवर नाशिक प्रॉपर्टी एक्सपो लावण्यात आले आहे. जळगाव खान्देशातील अनेकांची नाशिकशी कनेक्टिव्हिटी आहे. कुणी उद्योग व्यवसायासाठी तिकडे गेले आहे, तर कुणी नोकरीसाठी. अनेकांची मुले शिक्षणासाठी नाशकात आहेत. अशांना नाशकात आपले हक्काचे घर असावे असे वाटणे स्वाभाविक आहे. त्यांच्यासाठी हे प्रदर्शन उपयोगी ठरावे. या एक्सपोनिमित्त नाशकातील उदयोन्मुख भु-विकासकांच्या भेटी झाल्या. नाशिकचा विकास व जळगावमध्ये त्यासाठी असलेल्या संधी यावर छान चर्चा झाली. नरेडकोचे नाशिकचे अध्यक्ष सुनील गवांदे, सचिव शंतनु देशपांडे यांनी आपलेपणाने स्वागत केले. भूषण महाजन, प्रशांत पाटील, शशांक देशपांडे, लोकमत जळगावच्या ॲड मार्केटिंगचे वरिष्ठ व्यवस्थापक सुरज धाये यावेळी समवेत होते. #KiranAgrawal #NashikPropertyExpo #NaredcoNashik

तोच स्नेह, तीच अनुभूती..

31 Jan, 2025 तोच स्नेह, तीच अनुभूती..

चाळीसगाव तालुका वृत्तपत्रकार मित्र मंडळाने आयोजित केलेल्या आमदार मंगेश चव्हाण यांचा सन्मान व पत्रकारितेची 25वर्षे पूर्ण केलेल्यांच्या गौरव समारंभानिमित्त पुन्हा एकदा गावाकडील मित्रांचा स्नेह अनुभवण्याची संधी लाभली. पाच-सहा महिन्यांपूर्वी जळगाव मधील सुत्रे स्वीकारल्यावर लोकमत वर्धापन दिनानिमित्त सुमारे 35 वर्षानी जाहीर कार्यक्रमासाठी चाळीसगावी गेलो होतो, त्यानंतर या कार्यक्रमाचा अध्यक्ष म्हणून जाणे झाले. विशेष म्हणजे, ज्या रघुनंदन शर्मा तथा भैय्याजी यांच्याकडे मी माझ्या पत्रकारितेची बाराखडी गिरवली त्या गुरुवर्यांना मरणोत्तर जीवनगौरव पुरस्कार देण्याचे सद्भाग्य यानिमित्त मला लाभले ही माझ्यासाठी खूप मोठी व अविस्मरणीय बाब. लोकशाहीचे स्तंभ म्हणवणारे चारही क्षेत्रातील मान्यवर येथे एका व्यासपीठावर होते, त्यामुळे पत्रकारिता आणि समाजभान या विषयावर मनमुक्तपणे बोललो. कार्यक्रम संपल्यावर व्यासपीठावर स्नेहींचा असा गराडा पडला, की आयोजकांना गौरवार्थींचे समूह छायाचित्रही नीट घेता आले नाही. व्यवस्था काहीशी गडबडली, पण जुन्या मित्रांचा स्नेह व भेटीचा ओढा असा की मन भरून आले. आमदार मंगेश चव्हाण यांच्यासह मुंबई उच्च न्यायालयाचे सेवानिवृत्त न्यायमूर्ती संगीतराव पाटील, उपविभागीय अधिकारी प्रमोद हिले, अपर पोलीस अधीक्षक कविता नेरकर, नगर परिषदेचे प्रशासक सौरभ जोशी, माजी नगराध्यक्ष भोजराज पुंशी आदी व्यासपीठावर समवेत होते. Thanks to Organizer RD Choudhary, MB Patil, Jijabrao wagh, Aanan Shimpi n Dear all... आपल्यामुळे या स्नेहाची पुन्हा अनुभूती घेता आली. #KiranAgrawal #Chalisgaon

पुरातत्वाच्या सानिध्यात... Waghli

28 Jan, 2025 पुरातत्वाच्या सानिध्यात...

चाळीसगाव येथील तालुका वृत्तपत्रकार मित्र मंडळाच्या कार्यक्रमासाठी आज जळगाव येथून निघालो असता कार्यक्रमास काहीसा वेळ असल्याने वाटेत वाघळी येथील मुधाई देवी मंदिरात दर्शनासाठी थांबलो. इस 1150 ते 1200 च्या दरम्यानची निर्मिती असलेले हे पूर्वमुखी मंदिर 24 खांबांवर तोललेले आहे. पुरातत्व विभागाने राष्ट्रीय स्मारक म्हणून घोषित केलेले हे मंदिर आज भग्नावस्थेत असून त्यास जीर्णोद्धाराची प्रतीक्षा आहे. माझ्या जुन्या आठवणी या मंदिराशी जुळल्या आहेत. बालपणी पातोंडा येथे असताना वडील व फडतरे सरांबरोबर सायंकाळी अनेकदा पायी पायी या मंदिरात आलो आहे. येता जातांना रस्त्यावरील चिंचेच्या झाडांना दगडे मारून खिसाभर चिंचा गोळा केल्या आहेत. विजयादशमीला सोने लुटायला आम्ही येथेच येत असू. त्यामुळे सुमारे 50 वर्षांच्या दीर्घ कालावधीनंतर आज येथे थांबल्यावर बालपणीच्या जुन्या आठवणी दाटून आल्या. चाळीसगाव येथील कार्यक्रमात व्यासपीठावर सोबत असलेल्या आमदार मंगेश चव्हाण यांच्याकडे या मंदिर परिसराचा पर्यटनस्थळ म्हणून विकास घडविण्याची विनंतीही केली. **** यावेळी समवेत असलेले कजगाव येथील प्रतिनिधी प्रमोद ललवाणी यांनी टिपलेले छायाचित्र... #KiranAgrawal #MudhaideviMandirWaghli

सूर्योदय साहित्य संमेलन... 2025

23 Jan, 2025 सूर्योदय साहित्य संमेलन...

जळगाव येथील सूर्योदय सर्वसमावेशक मंडळातर्फे आयोजित राज्यस्तरीय 22वे सूर्योदय मराठी साहित्य संमेलन प्राचार्य डॉ. संजीव गिरासे (धुळे) यांच्या अध्यक्षतेखाली नुकतेच अभियंता भवनात उत्साहात पार पडले. या संमेलनाच्या उद्घाटनप्रसंगी प्रमुख पाहुणा म्हणून जाण्याची संधी मिळाल्याने मान्यवर साहित्यिक व जुन्या मित्रांच्या भेटी घडून आल्या. संमेलनाचे उद्घाटन नाशिकच्या साहित्यिका प्रा. सुमनताई मुठे यांच्या हस्ते करण्यात आले, तर अभियंता साहेबराव देवराम पाटील, प्रा. डॉ. तुषार चांदवडकर, प्र. द. कुलकर्णी, मिलिंद चिंधडे, भगवान पाटील, प्रा. म. सु. पगारे, डी. बी. महाजन आदींचा यात सक्रिय सहभाग होता. मंडळाचे अध्यक्ष सतीश जैन यांनी सरकारी अनुदानाऐवजी लोकवर्गणीतून ही संमेलने चालविली आहेत ही यातील विशेष बाब. धन्यवाद सतीश जी, आपल्या या धडपडीचे कौतुक आहे #SuryodayJalgaon #SuryodaySahityaSammelan #KiranAgrawal

माय मराठीच्या संवर्धनासाठी...

16 Jan, 2025 माय मराठीच्या संवर्धनासाठी...

ज्ञानार्जन व संवाद सुलभतेसाठी अन्य भाषा अवगत असणे गरजेचे आहे हे मान्यच, त्यांचा दुस्वास करण्याचे कारण नाही; मात्र अनावश्यकरित्या अंगीकारले गेलेले इंग्रजाळलेपण बाजूस ठेऊन मातृभाषा म्हणून आपल्या माय मराठीचा प्राधान्याने वापर होणे आवश्यक आहे. बोकाळलेल्या व्हाट्सअप कल्चरमध्ये सकाळी सकाळी गुड मॉर्निंग ऐवजी सुप्रभात करण्यासारख्या छोट्या छोट्या बाबीतून मराठीचे संवर्धन करता येईल... कवयित्री बहिणाबाई चौधरी उत्तर महाराष्ट्र विद्यापीठाच्या भाषा प्रशालेतर्फे आयोजित मराठी भाषा संवर्धन पंधरवड्याचे उद्घाटन करतांना असे काही मुद्दे मांडले. अध्यक्षस्थानी सन्मित्र व प्रशालेचे संचालक प्रा. डॉ. म. सु. पगारे होते. मराठी भाषा विभागाच्या विद्यार्थ्यांनी मराठी संतांचे जीवन व त्यांच्या साहित्यावर काढलेल्या भित्तिपत्रकाचे प्रकाशनही केले. या पंधरवड्यात मराठी भाषा संवर्धनाच्या दृष्टीने विविध कार्यक्रमांचे आयोजन करण्यात आले आहे, यातून मराठीचा जागर घडून येईल व भाषा संवर्धनाची जाणीव रुजेल असा विश्वास आहे. धन्यवाद प्राचार्य डॉ. पगारे सर, आपल्याशी असलेल्या ऋणानुबंधातून हा योग जुळून आला... Kiran Agrawal #किरण_अग्रवाल #मराठीभाषा

स्तब्ध करून जाणारा नाट्यमय प्रवास !

Oct. 05, 2024 स्तब्ध करून जाणारा नाट्यमय प्रवास !

काही शब्द आणि रचना अशा असतात, की ज्या अस्वस्थ करून जातात. त्यातूनच अंतर्मुख व्हायला भाग पडते. असाच एक अनुभव आला तो आमच्या जळगावच्या अतिशय ताकदीच्या व संवेदनशील नाट्यकर्मी शंभूदादा पाटील यांच्या एका प्रयोगातून. **** इतिहास काळातील अपाला, मदर मेरी, हिपेशीया, रबिया, लैला, मैमून अशी स्त्री पात्रे, त्यांचे दु:ख, वेदना सांगत अश्रूंना वाट मोकळी करून देत पुढे सरकत जाणारा नाट्यमय प्रवास... अनेकांना स्तब्ध करून गेला. निमित्त होते, खान्देश कॉलेज एज्युकेशन सोसायटी (केसीई) संचलित कान्ह ललित कला केंद्र आयोजित आणि परिवर्तन निर्मित 'भिजकी वही' या कवी अरुण कोल्हटकर यांच्या कवितांवर आधारीत नाट्यमय सादरीकरणाचे आणि तेही नवरात्रोत्सवानिमित्त सुरू असलेल्या स्त्री सन्मानाच्या जागराच्या पार्श्वभूमीवर. **** खूप परिणामकारक असा हा प्रयोग आहे. त्यात सुदीप्ता सरकार, मंजुषा भिडे, सोनाली पाटील, जयश्री पाटील, मोना तडवी, अंजली पाटील, नेहा पवार व विकास वाघ यांनी खूप ताकदीने विविध पात्रे साकारली आहेत. कार्यक्रमाची संकल्पना हर्षदा कोल्हटकर यांची होती. दिग्दर्शक नारायण बाविस्कर, नेपथ्य मंगेश कुलकर्णी, प्रकाश योजना राहुल निंबाळकर, रंगमंचव्यवस्था गणेश सोनार, पवन भोई यांची होती. अर्थातच, सूत्रधार शंभू पाटील. ****

यानिमित्ताने 'केसीइ' सोसायटीच्या कॅम्पसमध्ये प्रथमच जाणे झाले. अध्यक्ष नंदकुमार बेंडाळे दादांनी स्वागत केले. शिक्षण क्षेत्र व अध्यात्मावर यावेळी त्यांच्याशी छान गप्पा झाल्या. सामाजिक न्याय विभागाचे सहायक आयुक्त योगेश पाटील आदी यावेळी समवेत होते. Thanks Shambhudada... आपल्या आग्रहामुळेच हा योग घडून आला. #KiranAgrawal #BhijkiVahi #KCESocietyJalgaon

राज्यपाल महोदयांसोबतची भेट...

Sept 11, 2024 राज्यपाल महोदयांसोबतची भेट...

क्षेत्र कोणतेही असो, चाकोरीच्या पलीकडे जाऊन काम करणारी व्यक्तीच लक्षवेधी ठरून जात असते. यातच राज्यपाल महोदयांसारखी राज्याच्या प्रमुख पदावरील महनीय व्यक्ती असेल तर ती बाब खास ठरल्याशिवाय राहात नाही. राज्यपाल सी. पी. राधाकृष्णन यांनी देखील नाशिक, जळगाव, छत्रपती संभाजीनगरचे दौरे करून प्रोटोकॉलच्या मर्यादा आड न येऊ देता विविध क्षेत्रातील व्यक्तींशी संवाद साधला व त्यांच्या भावना, समस्या, अपेक्षा जाणून घेऊन साऱ्यांचे लक्ष वेधून घेतले आहे.

राज्याच्या घटनादत्त अधिकार पदावरील सर्वोच्च व्यक्ती आपल्या गावी येऊन आपल्याशी संवाद साधते, आपले म्हणणे ऐकून व समजून घेते ही बाब राजकारणेतर लोकांसाठी खूप समाधानाची तसेच आशादायी ठरते. मा. राज्यपालांच्या या दौऱ्यातूनही तेच घडले. राज्यपाल सी. पी. राधाकृष्णन जळगाव येथे आले असता काही संपादक व पत्रकारांशीही त्यांनी संवाद साधला. विभागीय आयुक्त प्रवीण कुमार गेडाम, जिल्हाधिकारी आयुष प्रसाद यावेळी समवेत होते. याप्रसंगीची ही आनंद चित्रे... #GovernorInJalgaon #KiranAgrawalLokmatJalgaon

संतश्रेष्ठ श्री गजानन महाराज यांचा पालखी सोहळ

june 16, 2024 संतश्रेष्ठ श्री गजानन महाराज यांचा पालखी सोहळ

श्री क्षेत्र पंढरपुरास निघालेल्या संतश्रेष्ठ श्री गजानन महाराज यांचा पालखी सोहळा अकोल्यात लोकमत कार्यालयासमोरून मार्गस्थ झाला. यावेळी 'लोकमत'तर्फे स्वागत करून दर्शन घेतांना.. #KiranAgrawalLokmat #LokmatAkola

बुद्ध भेटतात पावलोपावली... नमो बुद्धाय!

May 23, 2024 बुद्ध भेटतात पावलोपावली... नमो बुद्धाय!

गेल्या पौर्णिमेला मी श्रीलंकेच्या दौऱ्यातील बुद्ध मुर्तींसमवेतचे फोटो शेअर केले होते, यंदा व्हिएतनामच्या दौऱ्यातील काही फोटो. ----कारण, जेथे गेलो तेथे मला बुद्ध भेटले. खरे तर बुद्ध चराचरात व्यापून आहेत. माझ्यात आहे, तुमच्यात आहे; सर्वातच आहेत. स्वतःच्या अंतर्मनात डोकावून बघणाऱ्या प्रत्येकात बुद्ध आढळतात. आपण नेमके हेच करत नाही. शांती, समाधानासाठी इतरांकडे हात पसरतो. याच्या त्याच्याकडे चकरा मारतो, बुवा बाबांच्या नादी लागतो. --- पण स्वतःच्या आत डोकावत नाही. स्वतःला शरण जात नाही... भगवान बुद्धांनी हेच तर सांगितले आहे, स्वतःला शरण जा! बुद्धम् सरणम् गच्छामि! हे तेच सांगणे आहे..

इतकं साधं, सोपं, सरळ व आपल्या जवळच असलेलं ज्ञान; जे आपल्याला अन्य कोणीही समजावून सांगितलेलं नाही, ते बुद्धांनी समजावलं आहे. --- स्वतःलाच समजून घेतलं, विवेक व चिकित्सेच्या पातळीवर त्या समजून घेतलेल्या ज्ञानाचा दीप उजळला की अवघ्या संसार सागराला तरुन जाण्याचे बळ लाभल्याखेरीज राहत नाही. --- स्वतःच्या ज्ञानाचा हा दीप पेटवणे व त्यात आसमंत उजळून काढणे हेच तर आहे बुद्धांचे तत्त्वज्ञान... अत्त दीप भव !

त्यांनी दिलेला प्रज्ञा, शील, करुणेचा मंत्र आपल्या जीवनाच्या वाटेचा साथीदार आहे खरा, पण आपण तो डोक्यात घेतला नाही. बुद्धांनी आपल्याला त्रिशरण पंचशील दिले... नमो तस्स भगवतो अरहतो सम्मासम्बुद्धस्स ! यातून जगण्याचा सोपा मार्ग दाखविला, पण आपणच निर्बुद्ध; की भलत्या मार्गाचा शोध घेऊन स्वतःला अशांत करून घेतले आहे. --- अजूनही वेळ गेलेली नाही. आज युद्धाची नव्हे, बुद्धाचीच गरज आहे! तोच आहे शांती, सद्भाव व सम्यकतेचा खरा मार्ग. चला, स्वतःला शरण जाऊया... महाकारूणिक तथागत बुद्धांना त्रिवार शरण, वंदन !!!

#बुद्ध_पौर्णिमा2024 #KiranAgrawal #vietnamTourDiary

नाशकात मतदान 2024 Loksabha

May 20, 2024 नाशकात मतदानाचे कर्तव्य बजावले ... #VoteKarNashikkar #LoksabhaElection2024 #KiranAgrawal

मताचे मोल अनमोल...

April 24, 2024 आपल्या मताचे मोल अनमोल आहे. तो आपला अधिकार आहे, तसेच ते कर्तव्यही आहे. मतदानामुळे बोटाला लागणारी शाई हा गर्वाचा, अभिमानाचा विषय आहे. हेच ते बोट असेन, जे लोकशाहीला बळकट करेन! त्यासाठी मित्रांनो, न चुकता मतदान करा! #LoksabhaElection2024 #KiranAgrawal