Angarwata..

९ ऑक्टोबर, २०१८ ·
अवस्था बदलण्यासाठी व्यवस्था बदलाची गरज...

भानू काळे लिखित #अंगारवाटा... शोध शरद जोशींचा या चरित्र ग्रंथाच्या द्वितीय आवृत्ती प्रकाशनाप्रसंगी शेतकरी चळवळ या विषयावर बोलायची संधी लाभली.

अग्रवाल असलो तरी 7/12 वर शेतकरी म्हणूनच नोंद आहे, येथूनच सुरुवात करून जीवनानुभव मांडण्याचा प्रयत्न केला.
शेतीतील स्वावलंबन संपल्याने स्वयंपूर्णता लयास गेली, ती भांडवलकेंद्री झाली. त्यातून अर्थकारण बिघडले व शेतीचे शोषण घडून येते आहे.
शेतकरी अजूनही एकजिनसी नाही, शिवाय व्यवस्था व वृत्ती बदलाऐवजी स्वतःच त्या व्यवस्थेत शिरून लाभ मिळवण्याच्या प्रयत्नांमुळे चळवळ क्षीण होते आहे; अशी मांडणी केली.

निवृत्त सनदी अधिकारी महेश झगडे, लेखक भानू काळे, ऍड दौलतराव घुमरे, शेतकरी संघटना नेते रामचंद्र बापू पाटील सोबत व्यासपीठावर होते. डॉ श्याम अस्टेकर यांच्यामुळे हे घडून आले.

खूप चांगला प्रतिसाद लाभला. अनेकांनी मेसेज करून, फोन करून प्रतिक्रिया दिल्या. त्या सर्वांना धन्यवाद।