वेदनेवर गुणकारी संवेदना...

March 26, 2023 वेदनेवर गुणकारी संवेदना...

वेदनेने कुणी विव्हळतो तेव्हा समोरच्याच्या संवेदना जाग्या होतातच. ही संवेदनाच आज महत्त्वाची आहे. त्या संवेदनेतून रुग्णावर केला जाणारा उपचार, दिली जाणारी दवा हीच दुवा मिळवून देते, ती अधिक मोलाची. अकोला येथील जनरल प्रॅक्टिशनर्स असोसिएशनच्या शिखर सिंहावलोकन या स्नेहसंमेलनास विशेष अतिथी म्हणून जाण्याचा योग आला. अध्यक्षस्थानी प्रख्यात बालरोग तज्ञ डॉ. एस. एस. काळे होते. प्रमुख अतिथी म्हणून उपस्थित असलेले आयएमए अकोलाचे अध्यक्ष डॉ. अनुप कोठारी, इंडियन रेडक्रॉस सोसायटीचे चेअरमन डॉ किशोर मालोकार, जीपीए अकोल्याचे संस्थापक सदस्य डॉ चंद्रकांत पनपालिया, सत्कार मूर्ती धनंजय भगत आदी मान्यवर व्यासपीठावर समवेत होते.

जीपीए चे अध्यक्ष डॉ. सुनील बिहाडे, सचिव डॉ. संदीप चव्हाण, प्रकल्प प्रमुख डॉ. योगेश पाटील व त्यांच्या टीमच्या कार्य कुशल संयोजनातून अतिशय उत्साहात हे शिखर सिंहावलोकन संमेलन पार पडले. साहित्यिक स्नेही डॉ. विनय दांदळे यांच्या आग्रहातून जाणे झाले. डॉ. अशोक ओळंबे, डॉ. अनिल तोष्णीवाल, डॉ. राजेश देशमुख, डॉ. आनंद चतुर्वेदी, डॉ. अरुण पंड्या, लेबेन फार्मा.चे हरिषभाई शाह आदी अनेक मान्यवरांच्या यानिमित्ताने भेटी झाल्या. Thanks Dr. Dandale ji n GPA team.. #GPAAkola #KiranAgrawal

Saraunsh published in Akola Lokmat on March 26, 2023

http://epaper.lokmat.com/articlepage.php?articleid=LOK_AKLK_20230326_2_5&fbclid=IwAR2AdelB4RdZhaLeoo1_YK6P_GkBqlytopnQZsxKp5GrEctnt_szIEKZ7bM

https://www.lokmat.com/editorial/who-is-responsible-for-unspent-funds-a-a520-c310/?fbclid=IwAR0O2eU234cibG8VDhn5evmnkShaH8oyd7k-mrXkCuPHk_bg-fNseg8xkLg

अशाही हटके शुभेच्छा...

March 16, 2023 अशाही हटके शुभेच्छा...

लोकमत अकोला आवृत्तीच्या रौप्य महोत्सवी वर्धापन दिनानिमित्त पराग गवई मित्र मंडळाने वेगळ्या प्रकारे शुभेच्छा दिल्या. रौप्य महोत्सवानिमित्त 25 फुग्यांमध्ये लोकमतचा लोगो गुंफून हे फुगे कार्यक्रमस्थळी आकाशात सोडण्यात आले व आकाशात झेपावणाऱ्या या फुग्यांप्रमाणेच लोकमतची उत्तरोत्तर प्रगती होवो अशा सदिच्छा व्यक्त करण्यात आल्या. अनाथ मृतदेहांवर अंत्यसंस्कार करून माणुसकीच्या संवेदना जपणारा स्नेही पराग गवई, डॉ. प्रसेनजीत गवई व त्यांच्या टीमने शुभेच्छांची ही हटके शक्कल लढविली. Thanks Parag for this innovative wishes.. #LokmatAkola #LokmatAkolaSilverJubeliee2023 #KiranAgrawalLokmat

रौप्यपूर्तीचा स्नेह सोहळा...

March 16, 2023 रौप्यपूर्तीचा स्नेह सोहळा...

'लोकमत'च्या अकोला आवृत्तीने वाचकांच्या पसंतीच्या बळावर पंचवीस वर्षांची रौप्य महोत्सवी वाटचाल पूर्ण केली. या रौप्य महोत्सवी वर्धापन दिनानिमित्त एमआयडीसीतील 'लोकमत भवन'च्या हिरवळीवर आयोजित स्नेह सोहळ्यास विविध क्षेत्रातील मान्यवरांनी उपस्थित राहून लोकमतवर शुभेच्छांचा वर्षाव केला, ज्यात आम्ही चिंब झालो. या स्नेहापुढे धन्यवाद शब्द खूपच तोकडा आहे. वंचित बहुजन आघाडीचे संस्थापक, माजी खासदार ऍड प्रकाश तथा बाळासाहेब आंबेडकर यांची यावेळची उपस्थिती सर्वांनाच भारावून टाकणारी राहिली. माजी आमदार श्री लक्ष्मणराव तायडे, अमरावती परिक्षेत्राचे पोलिस महानिरीक्षक जयंत नाईकनवरे, जिल्हाधिकारी नीमा अरोरा, डॉ. पंजाबराव देशमुख कृषी विद्यापीठाचे कुलगुरु डॉ. शरद गडाख, कामगार आयुक्त डॉ. राजू गुल्हाने, जिल्हा पोलिस अधीक्षक संदीप घुगे, अतिरिक्त पोलिस अधीक्षक मोनिका राऊत, जिल्हा परिषदेचे मुख्य कार्यकारी अधिकारी सौरभ कटियार, महाबीजचे एमडी सचिन कलंत्री, प्रभात किड्सचे संचालक डॉ. गजानन नारे आदी मान्यवरांच्या हस्ते केक कापण्यात आला.

सर्वश्री माजी मंत्री डॉ. रणजीत पाटील, माजी महापौर विजय अग्रवाल, मदन भरगड, निवासी उपजिल्हाधिकारी प्रा. संजय खडसे, पोस्ट खात्याचे प्रवर अधीक्षक संजय आखाडे, राजकीय नेते अशोक अमानकर, संग्राम भैय्या गावंडे, ज्ञानेश्वर भाऊ सुलताने, राजेश मिश्रा, प्रशांत वानखडे, साजिद खान पठाण, डॉ. संतोष हुसे, डॉ धैर्यवर्धन फुंडकर, कपिल रावदेव, डॉ.अभय पाटील, डॉ. सुधीर ढोणे, अतुल पवनीकर, मिलिंद इंगळे, सुनील फाटकर, साहित्यिक पुष्पराज दादा गावंडे, डॉ. रावसाहेब काळे, किशोर बळी, तुळशीदास खिरोडकर, शिक्षण क्षेत्रातील ललित काळपांडे, नितीन बाठे यांच्यासह विविध क्षेत्रातील मान्यवर व संस्था संघटनांचे पदाधिकारी मोठ्या संख्येने उपस्थित होते. हे प्रेम, लोकमतशी असलेला ऋणानुबंध व विश्वास हेच तर आमचे बळ व तीच आमची शक्ती! त्याच बळावर आजवरची ही रौप्य महोत्सवी वाटचाल यशोदायी झाली.

लोकमतचे संस्थापक संपादक तथा स्वातंत्र्य सेनानी स्व. जवाहरलालजी दर्डा तथा श्रद्धेय बाबूजी यांनी वाचक हाच मालक समजून कार्य करण्याचा व 'पत्रकारिता परमो धर्म' जपण्याचा जो संस्कार रुजवला त्यानुसार आमची वाटचाल सुरू असून, यापुढेही ती याच भूमिकेतून सुरू राहील याची ग्वाही आम्ही या निमित्ताने देतो. लोकमत माध्यम समूहाचे चेअरमन आदरणीय श्री विजयबाबूजी दर्डा व एडिटर इन चीफ आदरणीय श्री राजेंद्रबाबूजी दर्डा यांनी घालून दिलेल्या आदर्श वाटेवर तरुण नेतृत्व श्री देवेंद्रबाबूजी, श्री ऋषीबाबूजी व संपादकीय संचालक श्री करणबाबुजी दर्डा यांच्या मार्गदर्शनात सुरू असलेल्या या वाटचालीस यापुढेही वाचकांचा असाच स्नेह लाभेल याचा विश्वास आहे. धन्यवाद वाचक व स्नेही जनहो, आपले हे प्रेम असेच कायम राहु द्या🙏 या स्नेह सोहळ्याप्रसंगीची ही काही आनंद चित्रे...

#LokmatAkola #LokmatAkolaAnniversary2023 #LokmatAkolaSilverJubilee2023 #KiranAgrawalLokmat

Saraunsh published in Akola Lokmat on March 19, 2023

http://epaper.lokmat.com/articlepage.php?articleid=LOK_AKLK_20230319_4_2&fbclid=IwAR0p-Pqk6azQiS1QIizy7G4qktKNzB-SdX_Rm6WaIPbKVymK_tf1kWTXQSQ

https://www.lokmat.com/editorial/akola-gmc-is-there-any-fear-left-in-gmc-or-not-a-a520-c310/?fbclid=IwAR1AfCxfsgOTTjIiyuiCSGob7URjMrrAqN_SgleQjfcAXysdom-OMpvHumQ

लोकमतचा कुटुंब कबिला...

लोकमतचा कुटुंब कबिला...

अकोला येथून 16 मार्च 1998 रोजी लोकमतची आवृत्ती सुरू झाली. त्यावेळी स्थानिक सहकाऱ्यांच्या मदतीसाठी काही सहकारी नागपूर व लगतच्या अमरावती येथून आले आणि येथेच रमले. दिवसांमागून दिवस गेले अनेक सहकारी आलेत आणि कारवा बनत गेला. कोणत्याही संस्थेसाठी निष्ठेने व समर्पण भावनेने काम करणारे असे सहकारी हीच खरी त्या संस्थेची शक्ती असते. लोकमत व्यवस्थापनाने तर या सर्वच सहकारींकडे कुटुंबाच्या भावनेने पाहिले व लक्ष दिले. रौप्य महोत्सव साजरा करतानाही हे सर्व सहकारी व त्यांच्या कुटुंबीयांनी त्यांना दिलेल्या साथीची आवर्जून आठवण करीत कार्यकारी तथा संपादकीय संचालक श्री करणबाबूजी दर्डा यांच्या संकल्पनेतून या कुटुंबकबिल्याचा स्नेह मेळावा आयोजिला गेला. रोजच्या कार्यालयीन व्यापातून बाजूला होत सर्वांनीच खूप धमाल केली. यावेळी लोकमतच्या आजवरच्या प्रवासातील काही ज्येष्ठ साथीदारांचा व विविध विभागांचा सन्मानही झाला.

#LokmatAkola #kiranAgrawalLokmat #LokmatAkolaSilverJubilee2023

Article published in Akola lokmat Silver Jubeliee suppliment on March 16, 2023

http://epaper.lokmat.com/articlepage.php?articleid=LOK_HAKL_20230316_9_4&fbclid=IwAR0u3sWCNsnb50jPkj0A5UwANLNSp5aHjK5ouFdWTOMAPvY9S6HeA1Zceo8 https://www.lokmat.com/editorial/akola-from-village-to-metropolis-a-a520-c310/?fbclid=IwAR2NQOLDdcnioJh40CU-jqMePja2VqXpr0LrY24hNPuAcrVlwxa8_odwjQs

वाचकसेवेची रौप्यपूर्ती ...

March 16, 2023 वाचकसेवेची रौप्यपूर्ती ...

अकोला लोकमतचा आज 25वा वर्धापन दिन. वाचकसेवेची रौप्यपूर्ती. विशेष म्हणजे लोकमतचे संस्थापक संपादक, ज्येष्ठ स्वातंत्र्य सेनानी स्व. जवाहरलाल जी दर्डा तथा श्रद्धेय बाबूजी यांचे जन्मशताब्दी वर्ष साजरे केले जात असतानाच हा रौप्य महोत्सवाचा योग आला.

पत्रकारिता परमो धर्माची शिकवण देणाऱ्या श्रद्धेय बाबूजींना वंदन करून अकोल्याचे ग्रामदैवत श्री राजराजेश्वराच्या चरणी रौप्य महोत्सवानिमित्त प्रकाशित 'पंचविशी' ही पुरवणी व अंक अर्पण केला. युनिट हेड श्री आलोक कुमारजी शर्मा, हॅलो हेड राजेश शेगोकारजी, वितरण व्यवस्थापक प्रकाशजी वानखेडे, इव्हेंट हेड योगेश चौधरीजी, ऍड मार्केटिंग विभागाचे व्यवस्थापक संदीप दिवेकरजी, जाहिरात प्राप्ती विभागाचे प्रमुख गंगाधरजी राऊत, लेखा विभागाचे प्रमुख विनायकजी जोशी, संगणक विभाग प्रमुख येंडे जी, परीचालनचे संजय पिल्लेवारजी व अन्य सहकारी यांच्यासमवेतची काही आनंद चित्रे... #LokmatAkola #KiranAgrawalLokmat #LokmatAkolaSilverJubilee2023

Saraunsh published in Akola lokmat on March 12, 2023

http://epaper.lokmat.com/articlepage.php?articleid=LOK_AKLK_20230312_2_3&fbclid=IwAR1ywhmO0kiZoqexNxL6HPIDb9fnyemMlHpej-DVIyCNZQ6dSmxojPgLX78

https://www.lokmat.com/editorial/declaration-multi-what-about-fairy-implementation-a520-c310/?fbclid=IwAR0okh9J129r2IOV06SNgyVP_cm_yBXXRjALSdpUVA6JA0K_1kLC3j5i1NE

श्री तुळशीराम जी गुट्टे महाराज भेट ...

March 08, 2023 श्री तुळशीराम जी गुट्टे लोकमत भेट

नाशिकच्या श्री सिद्धिविनायक मानव कल्याण मिशनचे संस्थापक, संत साहित्याचे अभ्यासक डॉ. श्री तुळशीराम जी गुट्टे महाराज यांनी आज अकोला लोकमत कार्यालयास सदिच्छा भेट दिली. मनस्वी आनंद झाला. गुट्टे महाराज यांच्यासोबत माझा रावेर व नाशिकपासून स्नेहाचा ऋणानुबंध आहे. नाशिकला असताना त्यांनी माझ्या आग्रहावरून लोकमतसाठी गणेशोत्सवादरम्यान श्री गणेश स्तुती मालिका लिहिली होती, त्यानंतर लोकमत ऑनलाइनसाठीही मन या विषयावर मनाचे विविध कंगोरे उलगडून दाखविणारी लेखमाला लिहिली, जिचे लवकरच संकलित स्वरूपातील पुस्तक येऊ घातले आहे. कसलीही बुवाबाजी न करता अध्यात्मिकतेला प्रागतिकतेशी जोडून संत चरित्र उलगडून सांगणारे, भजन भारुडांचे निरूपण करणारे युवा संत म्हणून डॉ. गुट्टे महाराज मला इतरांपेक्षा वेगळे वाटतात, म्हणूनच आमच्यातील स्नेह टिकून आहे. आज अमरावतीला निघाले असताना मी अकोल्यात असल्याची त्यांना आठवण झाली आणि ते खास भेटायला आले. आमचे युनिट हेड श्री आलोक कुमार शर्मा यांच्या हस्ते त्यांचा सन्मान केला. त्यांना 'माझे विद्यापीठ' पुस्तकही भेट दिले. याप्रसंगी उप वृत्तसंपादक तथा हॅलो हेड श्री राजेश शेगोकार व अन्य सहकारी चर्चेत सहभागी झाले. #LokmatAkola #KiranAgrawalLokmat

Saraunsh published in Akola Lokmat on March 05, 2023

http://epaper.lokmat.com/articlepage.php?articleid=LOK_AKLK_20230305_2_3&fbclid=IwAR1qQs1FmCkla16_ENnxBdcM81BtQ0yhshuRssWTD3qaWQ7JzU78SukJIUM

https://www.lokmat.com/editorial/mp-jadhavs-challenge-is-not-easy-a520-c310/?fbclid=IwAR20Me5w7zlkBofzgrt9vqllWIJScTVkEkMwiCrLg5OZScCnCKO5dFO8NFY

Article published in Lokmat Edit pg. on Feb. 28, 2023

http://epaper.lokmat.com/articlepage.php?articleid=LOK_AKLK_20230228_6_3&fbclid=IwAR1jx9rDSbHQ4WIJPsykTO0MmvGxBV7NCHZIZ9oVNdjFKnBrrx0dE05oTpQ

Saraunsh published in Akola Lokmat on Feb. 26, 2023

http://epaper.lokmat.com/articlepage.php?articleid=LOK_AKLK_20230226_2_2&fbclid=IwAR0sAN9y74HspbKLMQHNZIn4pFPggvYhPQ_CONGjtIpkcgv0KHUuiLWvy6Q

https://www.lokmat.com/editorial/the-intensity-of-summer-is-increasing-be-aware-a520-c310/?fbclid=IwAR1VI4BiB7_NGYxixuixKcFaws_yJaofOnVpyPEKE_yN4oeG3yhPwX3GzuI

अभिमान आहे आम्हास आमच्या या सहकारींचा...

feb. 16, 2023 अभिमान आहे आम्हास आमच्या या सहकारींचा...

लोकमतच्या संपादकीय विभागात काम करणाऱ्या सहकारींसाठी आमचे तरुण व कल्पक नेतृत्व, संपादकीय संचालक श्री करणबाबूजी दर्डा यांनी 'स्टार परफॉर्मन्स सिस्टीम' अमलात आणली आहे, जी मानवी हस्तक्षेपाखेरीज सिस्टीमाईज पद्धतीने कामकाजाचे मूल्यमापन करून संबंधितांना स्टार मानांकने प्रदान करते. या सिस्टीमच्या माध्यमातून संपूर्ण लोकमत समूहात विदर्भातील हॅलो अकोला व हॅलो अमरावती या दोन पुरवण्यांना 'स्टार हॅलो'चे मानांकन लाभले. सर्वाधिक आनंदाची बाब म्हणजे, समूहात ज्या संपादकीय सहकारींना उत्कृष्ट कार्य कुशलतेचे 'स्टार अवॉर्ड 2022' घोषित झालेत, त्यात लोकमत अकोला आवृत्तीच्या सर्वाधिक पाच सहकाऱ्यांचा समावेश आहे. लोकमत व्यवस्थापनाच्या वतीने अमरावती येथे समूह संपादक मा. श्री. विजय बाविस्कर सर यांच्या हस्ते व अमरावतीचे वृत्त संपादक श्री गजानन चोपडे जी, युनिट हेड श्री सुशांत दांडगे जी यांच्या प्रमुख उपस्थितीत सदर पुरस्कारांचे वितरण करण्यात आले. अकोल्याचे हॅलो हेड श्री राजेश शेगोकार, उपसंपादक नितीन गव्हाळे, अतुल जयस्वाल, बुलढाण्याचे भगवान वानखेडे, वाशिमचे संतोष वानखडे, खामगावचे योगेश देऊळकर यांच्यासह अमरावतीचे हॅलो हेड गणेश वासनिक, प्रदीप भाकरे, यवतमाळचे रुपेश उत्तरवार, सुरेंद्र राऊत, वर्धेचे चैतन्य जोशी, महेश सायखेडे यांचा स्टार अवॉर्ड सन्मानार्थीमध्ये समावेश आहे. अभिमान आहे आम्हास या सहकारींचा... Congratulations Dear all... #LokmatAkola #LokmatStarAwards2022 #KiranAgrawalLokmat

Saraunsh published in Akola Lokmat on Feb. 19, 2023

http://epaper.lokmat.com/articlepage.php?articleid=LOK_AKLK_20230219_2_3&fbclid=IwAR2BDe1NpAfnGMoVRbJ53uudUBXbl3DdN_lrjGqsGcvODhnSMMoz47d_vNw

https://www.lokmat.com/editorial/amravati-ok-what-about-akola-airport-a520-c310/?fbclid=IwAR3wZXR57X9Qi6HE7VH8gJJMU2RIiY-8HqjRyd4vEsnUJyaPLaN6rQ9svuA

सरकारी कर्मचाऱ्यांच्या समस्या अनेक...

Feb. 13, 2023 सरकारी कर्मचाऱ्यांच्या समस्या अनेक...

जनतेच्या समस्यांचे निवारण करणाऱ्या शासकीय आस्थापनांमधील कर्मचाऱ्यांच्या समस्या कमी नाहीत. एकतर कमी मनुष्यबळात अतिरिक्त जबाबदारीने कामे निपटायची व दुसरीकडे अडीअडचणी, समस्या मांडायला गेले की वरिष्ठ अधिकाऱ्यांच्या खपा मर्जीचा धोका. अशा स्थितीत हा घटक काम करीत असतो. लोकमत अकोला आवृत्तीच्या रौप्य महोत्सवी वाटचालीनिमित्त आयोजित संवाद सत्रात विविध सरकारी कर्मचारी संघटनांच्या पदाधिकाऱ्यांनी जुनी पेन्शन योजनेपासून ते रिक्त पदांवरील नेमणुकांचा अनुशेष भरून काढण्यापर्यंत अनेकविध प्रश्न पोट तिडकीने मांडलेत. यात मध्यवर्ती कर्मचारी संघटनेचे जिल्हा अध्यक्ष राजेंद्र नेरकर, महसूल कर्मचारी संघटनेचे जिल्हाध्यक्ष वैजनाथ कोरकने, जिल्हा सचिव संतोष कुटे, जिल्हा परिषद कर्मचारी युनियनचे राज्य सरचिटणीस सुनील जानोरकर, जिल्हा परिषद कर्मचारी युनियनचे जिल्हा अध्यक्ष गिरीष मोगरे, जिल्हा सचिव राजू मालगे, कृषी सहायक संघटनेचे जिल्हा उपाध्यक्ष नीलेश करस्कार, कृषी विभाग सहायक अधीक्षक संघटनेचे जिल्हा कार्यकारिणी सदस्य धीरज वाकोडे, अखिल भारतीय सफाई मजदूर काँग्रेसचे प्रदेश महामंत्री पी. बी. भातकुले, महानगरपालिकेतील म्युनिसिपल मजदूर युनियनचे अध्यक्ष विठ्ठल देवकते, म्युनिसिपल कर्मचारी युनियनचे पदाधिकारी विजय पारतवार, ग्रामसेवक संघटनेचे जिल्हा अध्यक्ष रवी काटे सहभागी झाले होते. #LokmatAkola #LokmatSamvad #KiranAgrawalLokmat