Saraunsh published in Akola Lokmat on Dec. 18, 2022

http://epaper.lokmat.com/articlepage.php?articleid=LOK_AKLK_20221218_2_2&fbclid=IwAR0lKyuFayNTfu2yNzuUfB_5-FHgwf09c4VJrrf8kABk08vs0PeKZLR6G6A

https://www.lokmat.com/editorial/maharashtra-assembly-winter-session-2022-will-anyone-fight-over-the-varhada-provience-questions-a520-c310/?fbclid=IwAR168zymj5dj8aQB2bxz9Hpx6JPik-SMBajJUhHgGln8uewduBRH-8eCDdw

Saraunsh published in Akola Lokmat on Dec. 11, 2022

http://epaper.lokmat.com/articlepage.php?articleid=LOK_AKLK_20221211_2_4&fbclid=IwAR2eoau6ofdLYuBQGNAqaOmKNjMmtayw0gqrNof96_C2nxZmMQH_zq8A8Xc

https://www.lokmat.com/editorial/the-gram-panchayt-election-of-the-village-stewards-is-over-a520-c310/?fbclid=IwAR0hL67stYcUnRXR5HdHY-lhBlKZicHDfZQsDiVVVO9Ym-iAl5Q39pLOQDA

ग्रंथालये टिकली पाहिजेत...

Dec. 08, 2022 ग्रंथालये टिकली पाहिजेत...

वाचन चळवळ वृद्धिंगत करण्यात ग्रंथालयांची उपयोगीता महत्त्वाची आहे, परंतु आज ग्रंथपाल व तेथील सेवक वर्ग अनेकविध अडचणीत आहेत. रोजगार हमी योजनेवरील बांधवांना तरी चांगला रोजगार मिळतो, परंतु ग्रंथालयातील अनेक सेवकांना तितकाही मेहनताना मिळत नाही. ग्रंथालयांना 60% अनुदानाची घोषणा मागे करण्यात आली, पण अद्याप हे अनुदान मिळालेले नाही. वेतन श्रेणीचा प्रश्नही प्रलंबित आहे. सेवकांचे पगार करण्यात जिथे अडचणी आहेत तिथे प्रशस्त वा स्व मालकीच्या इमारतींचा विषयच येत नाही.

शिक्षणाच्या वाटा ग्रंथालयातून प्रशस्त होणाऱ्या असतात, पण आज ग्रंथालयांकडे कोणीही लक्ष देताना दिसत नाहीत... अकोला लोकमतच्या रौप्य महोत्सवी वर्षातील वाटचालीनिमित्त आयोजित संवाद सत्रात जिल्ह्यातील ग्रंथालय संघाचे पदाधिकारी व विविध ग्रंथपालांनी आपल्या व्यथांना वाट मोकळी करून दिली. जिल्हा संघाचे अध्यक्ष शामराव वाहूरवाघ, कैलास गव्हाळे, अलका जोशी, ज्योती सरदार, सोनिया खंडारे, दिवाकर तिडके, शरद लोखंडे, सदाशिव चांदुरकर, ब्रिजलाल डोंगरे, सुनील कांबळे, राम मुळे आदींनी या चर्चेत सहभाग घेतला #LokmatAkola #LokmatSamvad #AkolaLibrary

Saraunsh published in Akola Lokmat on Dec. 04, 2022

http://epaper.lokmat.com/articlepage.php?articleid=LOK_AKLK_20221204_4_4&fbclid=IwAR1jb6X5FyqpI4dz3aOr0VI5cSskzJ1ujzv8sfx3mKl-T3NEXwJ7LZLRD1k

https://www.lokmat.com/editorial/dont-beg-want-crop-insurance-rates-a520-c310/?fbclid=IwAR1HdSjB0yeFr6LSEntJZNvyOTgbcoraG2ZjDFeeUzpC1Avv25wHBKd4HpI

दुबईतील 'दिल का आलम'...

Nov. 24, 2022 दुबईतील 'दिल का आलम'...

बाहेर पडल्याखेरीज किंवा जग पालथे घातल्याशिवाय आपण नेमके कुठे आहोत हे कळत नाही, हेच खरे. लोकमत व्यवस्थापनाने, विशेषतः संपादकीय संचालक श्री करणबाबूजी दर्डा यांनी उपलब्ध करून दिलेल्या संधीमुळे युनायटेड अरब अमिरातीमधील (UAE) दुबई, आबूधाबी, ओमान दौरा करायला मिळाला. या दौऱ्यातूनही बरेच काही शिकायला मिळाले.

आपल्या पुढारलेपणाच्या संकल्पना गळून पडाव्यात इतका हा प्रदेश पुढे गेलेला आहे, त्याने प्रगती साधली आहे; म्हणूनच की काय सोने काहीसे स्वस्त असले तरी, आपल्या साधारण 23 रुपयात तेथला अवघा 1 दिरम हाती पडतो. कमालीची स्वच्छता, शिस्तशीर व वक्तशीरपणा नजरेत भरणारा आणि विशेष म्हणजे रस्त्यावर रोकटोक करणारा पोलीस दिसत नसताना हे सारे आढळते. इंधन व खजुरखेरीज स्वतःचे काही उत्पादन नाही, तरी पर्यटनाची अशी काही घडी बसवली की मूळच्या नागरिकांपेक्षा पर्यटकांची व परिणामी घरांपेक्षा हॉटेलांचीच तेथे संख्या अधिक दिसते. येथल्या शासकांना गिनीज बुक ऑफ वर्ल्ड रेकॉर्डचा भारी सोस. जे करायचे ते अत्युच्च व अप्रतिम असावे अशी मानसिकता, त्यामुळे बुर्ज खलिफाच्या उंचीचे रेकॉर्ड दुसऱ्या देशाकडून मोडले जाणार हे कळताच त्यापेक्षाही उंच इमारतीची पायाभरणी लगेच सुरू झाली... आमचा गाईड मोठ्या अभिमानाने सांगत होता. या गाईडचे नावही मोठे भारी होते, 'दिल का आलम'!

काय बघावे आणि किती बघावे असा प्रश्न पडावा, इतके काही तेथे आहे; त्यामुळे जे राहून जाते ते बघण्यासाठी पुन्हा एकदा दुबईला यायला हवे असेच प्रत्येकाला तेथून परततांना वाटते. आपल्या देशाबद्दल पर्यटकांमध्ये एवढे चुंबकीय आकर्षण निर्माण करण्यात तेथले शासक यशस्वी ठरावे, यातच सारे काही आले. अर्थात, असे असले तरी डोळे दिपवणाऱ्या त्या भव्य दिव्य इमारतींच्या जंगलात वावरतांना व क्षणभर हरवून जातांना आपलेपणाचे, सौहार्दाचे, घडीभरच्या निवांततेचे, आत्मिक सुख समाधानाचे काजवे जेव्हा मनात चमकतात तेव्हा आतला आवाज प्रखर होतो आणि आपण म्हणतो, गड्या आपला गाव व आपला देशच बरा! तोच खरा आपल्या दिल का आलम! या दौऱ्यात काही नवे मित्र मिळाले, जुन्यांच्या स्नेहाच्या गाठी अधिक घट्ट झाल्या... हीच सोन्यासारखी माणसं व मैत्री महत्वाची!

#kiranAgrawal #TourDiary #DubaiTourDiary

Saraunsh published in Akola Lokmat on Nov. 27, 2022

http://epaper.lokmat.com/articlepage.php?articleid=LOK_AKLK_20221127_2_2&fbclid=IwAR3E-8k9wDVWEOBjbwnXJw6OwapLKWeySECV2gTN09tJo5oa_ysYmSRIdIA

https://www.lokmat.com/editorial/the-confusion-of-akola-municipal-corporation-elections-is-increasing-a520-c310/?fbclid=IwAR00rss0V0sViWxCeRpBfltFFSQqL8Q4cBKbR4hdpYT3MzKs4M-SRzJO7xY

Saraunsh published in Akola Lokmat on Nov. 20, 2022

http://epaper.lokmat.com/articlepage.php?articleid=LOK_AKLK_20221120_2_2&fbclid=IwAR1oB8rtwcWGciexHhFlIR8NDkZT8kmHQf1ymDfghXs5OW5lUsIztkGXREM

https://www.lokmat.com/editorial/bharat-jodo-yatra-the-challenge-is-to-maintain-consciousness-a520-c310/?fbclid=IwAR126nEhky1QPC-5oKEGz9ZeGOCy1BMCftWzP_fylpAJZw7DWISjOaTQwf0

Lokmat Akola Diwali edit - 2022

Saraunsh published in Akola Lokmat on Oct. 13, 2022

http://epaper.lokmat.com/articlepage.php?articleid=LOK_AKLK_20221113_2_1

https://www.lokmat.com/editorial/distrust-of-train-travel-is-increasing-a520-c310/

युवकांना व्यासपीठ लाभलेले संमेलन...

Nov. 06, 2022 युवकांना व्यासपीठ लाभलेले संमेलन...

विदर्भ साहित्य संघाच्या शताब्दी वर्षानिमित्त अकोला शाखेतर्फे आयोजित राज्यस्तरीय युवा साहित्य संमेलन मोठ्या उत्साहात पार पडले. या संमेलनानिमित्त लोकमत मधील जुन्या सहकारी व सोशल मीडियाच्या अभ्यासक मुक्ता चैतन्य तसेच साहित्य अकादमीचा युवा साहित्यिक पुरस्कार प्राप्त नाशिकचे प्रख्यात कवी ऐश्वर्य पाटेकर या माहेरच्या माणसांची भेट झाली. ऐश्वर्यने संमेलनाचे उदघाटन केले, तर मुक्ता ने 'हो, आहे माझा बॉयफ्रेंड' हा विषय अतिशय छान मांडला.

अकोला लोकमतच्या संपादकीय विभागाची धुरा यापूर्वी सांभाळलेले ज्येष्ठ पत्रकार बाळासाहेब कुलकर्णी, विदर्भ संघाचे अध्यक्ष प्रदीप दाते, लातूरचे युवराज पाटील तसेच अनेक स्थानिक साहित्यिकांच्याही भेटी व गप्पा झाल्या. जागर फौंडेशनची टीमही भेटली. संमेलनाचे अध्यक्ष, प्रख्यात युवा साहित्यिक व चित्रपट दिग्दर्शक अरविंद जगताप, साहित्यिक डॉ. गजानन मालोकार यांच्यासह तुळशीदास खिरोडकार यांच्या 'चित्रमय बालस्नेही' या कोरकू - मराठी भाषा ओळख पुस्तकाचे प्रकाशन केले. प्रभात किड्सचे संचालक प्रा गजानन नारे तसेच संग्राम गावंडे व त्यांच्या टीमच्या परिश्रमातून हे संमेलन उभे राहिले. विशेष म्हणजे खऱ्या अर्थाने या साहित्य संमेलनातून युवा साहित्यिकांना व्यासपीठ लाभलेले दिसून आले.

#KiranAgrawal

Saraunsh published in Akola Lokmat on Nov.06, 2022

http://epaper.lokmat.com/articlepage.php?articleid=LOK_AKLK_20221106_2_2&fbclid=IwAR3MRhxvYntGrhzvmDPQoUHtM7xoNy3k4aKvwKPgUHbhRvGXhqol1NDBT4c

https://www.lokmat.com/editorial/a-series-of-murders-that-frighten-the-society-a520-c310/?fbclid=IwAR2zyA4ZFbfsRKPLkll3oaJSp1D7hyPaic3RT2hioeqYO57zwY7tvmN9wY4

चिमुकल्यांसाठी मायेची ऊब...

Nov. 02, 2022 चिमुकल्यांसाठी मायेची ऊब...

निरागस व लहान बालकांच्या चेहऱ्यावरील आनंदातून लाभणाऱ्या समाधानाची तुलना अन्य कशाशीही होऊ शकत नाही. त्यातही काही कारणवश आप्तांच्या आधारापासून दुरावलेली बालके असली तर त्यांचा आनंद संबंधितांचा सेवाभाव वृद्धिंगत करून गेल्याखेरीज राहत नाही. 'दुनिया मे कितना गम है, मेरा गम कितना कम है...' या गीताची आठवण अशावेळी होऊन जाते. लोकमतचे संस्थापक संपादक, स्वातंत्र्यसेनानी स्व. जवाहरलालजी दर्डा तथा श्रद्धेय बाबूजी यांच्या जन्मशताब्दी निमित्त अकोल्यातील सूर्योदय बालगृह, आनंद आश्रम व गायत्री बालिकाश्रम येथील बालकांना थंडीच्या पार्श्वभूमीवर ब्लॅंकेट, स्वेटर तसेच शैक्षणिक -क्रीडा साहित्य व दैनंदिन उपयोगी वस्तूंचे वाटप करण्यात आले, त्यावेळी हीच बाब अनुभवयास आली.

यावेळी स्वराज सामाजिक संस्थेचे संचालक पुरुषोत्तम शिंदे, आशु ॲडव्हर्टायझर्सचे संचालक शाम सारभुकन, शांतनु मेडिकलचे संचालक शांतनु देवानंद ठाकरे, डॉ. एन. के. माहेश्वरी, डॉ. तारा माहेश्वरी, डॉ. विनिता माहेश्वरी, आर्टिस्ट दीपा शर्मा, सूर्योदय बालगृहाचे संचालक शिवराज पाटील, आनंद आश्रमच्या संचालिका तपोधीरा दीदी, गायत्री बालिकाश्रमाच्या उपाध्यक्षा श्रीमती अश्विनी सुजदेकर व संचालिका मीरा जोशी, लोकमत अकोला आवृत्तीचे युनिट हेड आलोककुमार शर्मा आदी उपस्थित होते. या संस्थांमधील व अन्यही वंचितांना आपण सारे मिळून मायेची ऊब देऊया, त्यांना आधार देणाऱ्या संस्थाच्या पाठीशी जमेल त्या मदतीचे बळ उभे करूया मित्रांनो... #LokmatAkola #Suryoday #AanandAshram

पांझरेच्या काठी अकोल्याचा 'अंकुर'...

Oct. 30, 2022 पांझरेच्या काठी अकोल्याचा 'अंकुर'...

वाशिम जिल्ह्यातील मालेगाव येथे स्व. हिम्मतराव शेकोकार व मित्रांनी सुरू केलेली अंकुर साहित्य संघाची चळवळ नंतर अकोल्यात येऊन स्थिरावली व आता संपूर्ण महाराष्ट्रव्यापी झाली आहे. याच अंकुर साहित्य संघाचे 60वे, म्हणजे हिरक महोत्सवी संमेलन धुळ्यात पार पडले; जणू मोर्णेचा प्रवाह पांझराकाठी पोहोचला. डॉ पापलाल पवार यांच्या अध्यक्षतेत झालेल्या या संमेलनाच्या समारोपाचा प्रमुख पाहुणा म्हणून उपस्थित राहताना या मंडळीचे मोठे कौतुक वाटले. 36 वर्षात 60 साहित्य संमेलने भरविणाऱ्या अंकुर संघाने जागोजागच्या साहित्यिकांना अभिव्यक्तीचे मोठे व्यासपीठ उपलब्ध करून दिले आहे. साहित्यिक विचार मंथनाखेरीज कथाकथन, कवी संमेलन, गझल मुशायरा, मुलाखत, व्यंगचित्र प्रदर्शन असे सारे प्रकार यात हाताळले गेले.

संघाचे केंद्रीय अध्यक्ष हिम्मतराव ढाळे, कार्याध्यक्ष तुळशीराम बोबडे, सुरेश लांडे, संजय कावरे, प्रा. मोहन काळे, मधुकर वडोदे, सदाशिव शेळके, शिवलिंग काटेकर, डॉ. प्रमोद काकडे, वासुदेवराव खोपडे, सुनील दिवनाले आदींचे परिश्रम, सक्रिय सहभाग व राज्य साहित्य संस्कृती मंडळाचे सदस्य पुष्पराज गावंडे यांच्यासारख्यांच्या मार्गदर्शनातून 'अंकुर'ची चळवळ साहित्य प्रांतात स्वतःची स्वतंत्र ओळख निर्माण केली आहे. कार्यवाहक प्रा. राम जाधव, निमंत्रक दत्तात्रय कल्याणकर व त्यांच्या टीमच्या अथक प्रयत्नातून हे संमेलन पांझराकाठी अंकुरले... Congratulations to all... #Ankur #KiranAgrawal #PanjhraDhule

Saraunsh published in Akola Lokmat on Oct. 30, 2022

http://epaper.lokmat.com/articlepage.php?articleid=LOK_AKLK_20221030_2_2&fbclid=IwAR0bzQzJDErKazl-Rw3CJ1mgK3xQsbQdNx8vzFZF0ikCvwXg3CMVJvIpBdw

https://www.lokmat.com/editorial/how-does-water-fall-on-the-pot-a520-c310/?fbclid=IwAR2sA13CbFVtkw7LtJSASzYt-laTUqBRCEszvKZg6N1BtsZVWZ1YwVmo0Ys

किल्ल्यांनी जागविला इतिहास...

Nov. 25, 2022 किल्ल्यांनी जागविला इतिहास...

लोकमत कॅम्पस क्लब व श्री समर्थ पब्लिक स्कूल अँड ज्युनियर कॉलेजच्या संयुक्त विद्यमाने दिवाळीच्या पार्श्वभूमीवर अकोल्यात किल्ले बनवा स्पर्धा घेण्यात आली. यात प्रतापगड, रायगड, जंजिरा आदि किल्ल्यांच्या प्रतिकृती मुलांनी साकारल्या. मातीत खेळू नका असे मुलांना घरी सांगितले जाते, पण या स्पर्धेच्या निमित्ताने बच्चे कंपनी छान मातीत खेळली, रंगली. स्पर्धेचे बक्षीस वितरण निवासी उपजिल्हाधिकारी प्रा संजय खडसे, समर्थ पब्लिक स्कूलचे संचालक नितीन व जयश्री बाठे, मूर्तिकार शरद कोकाटे आदींच्या उपस्थितीत पार पडले. याप्रसंगीची ही आनंद चित्रे...

#LokmatAkola #FortMeking #KiranAgrawal

Saraunsh published in Akola Lokmat on Oct. 23, 2022

http://epaper.lokmat.com/articlepage.php?articleid=LOK_AKLK_20221023_6_2&fbclid=IwAR0UJl8PO4Z_zz3SQUf4JgsmBGuZBpQX8ldaffWY7a3LdABUTvC2W1rtou4

https://www.lokmat.com/editorial/lets-light-the-lamp-of-humanity-with-senses-a520-c310/?fbclid=IwAR09oRMNCezF40y29ZMkoVr9GlgtTXZDHXHz4lNKZHMD9lbTiqNsfQhMnjg

अंक नव्हे, उत्सव... लोकमत दीपोत्सव

Nov. 23, 2022 अंक नव्हे, उत्सव... लोकमत दीपोत्सव

दिवाळी अंकांच्या परंपरेत मराठीचा सन्मान वाढवीत 3 लाख प्रतींचा टप्पा ओलांडणारी सदाबहार मैफल म्हणजे लोकमत दीपोत्सव. विषय व मांडणी यातील सर्वोत्कृष्टतेचा अनुभव देणारा वाचनानंद घ्यायचा तर हा अंक वाचायलाच हवा. अकोला येथे लेबेन लाईफ सायन्सचे संचालक हरेश शाह, एमेराल्ड ग्रुपचे संचालक संजय तुलशान, ललित ट्युटोरियल्सचे संचालक प्रा. ललित काळपांडे, श्री समर्थ ग्रुप ऑफ एज्युकेशनचे संचालक प्रा. नितीन बाठे यांच्या हस्ते दीपोत्सव व हिंदीतील दिपभवचे प्रकाशन झाले. यावेळी समवेत लोकमत अकोला आवृत्तीचे कार्यकारी संपादक किरण अग्रवाल, युनिट हेड आलोककुमार शर्मा, लोकमत समाचारचे प्रभारी अरुणकुमार सिन्हा, वितरण व्यवस्थापक प्रकाश वानखडे, जाहिरात मार्केटिंगचे वरिष्ठ व्यवस्थापक राजेश पांडे आदी. उपस्थित होते. जिल्हा पोलीस अधीक्षक संदीप घुगे, उपप्रादेशिक परिवहन अधिकारी जयश्री दुतोंडे यांनीही त्यांच्या कार्यालयात दीपोत्सवचे प्रकाशन केले.

बुलढाणा येथे जिल्हा पोलीस अधीक्षक अरविंद चावरीया व जिल्हा परिषदेच्या मुख्य कार्य.अधिकारी भाग्यश्री विसपुते, निवासी उपजिल्हाधिकारी दिनेश गीते, तर वाशिम येथे पद्मश्री ना. चं. कांबळे, जिल्हा पोलीस अधीक्षक बच्चन सिंह आदी मान्यवरांच्या हस्ते प्रकाशन झाले. यावेळी लोकमत समूह संपादक विजय बाविस्कर, प्रॉडक्ट् हेड पुष्कर कुलकर्णी, रिसर्च एडिटर प्रेमदास राठोड, स्टार डेस्क प्रमुख गजानन दिवाण, हॅलो हेड नंदकिशोर नारे, निलेश जोशी आदी उपस्थित होते. दीपोत्सव व दिपभव खरेदीसाठी नजिकच्या लोकमत कार्यालयात किंवा स्थानिक वार्ताहर, वितरक यांच्याकडे संपर्क साधावा... #LokmatAkola #LokmatDeepotsav2022

महागावचा माधव...

Nov 21, 2022 महागावचा माधव...

मेहकरवरून रिसोडमार्गे वाशिमला जाताना महागावच्या पुढे शेताच्या कडेला कच्च्या विटांच्या चौथर्‍यावर मोसंबी व सफरचंद घेऊन बसलेला एक ज्यूस विक्रेता तरुण भेटला, माधव दशरथराव हुंबाड त्याचे नाव. त्याच्याशी चर्चा केली असता त्याची कहाणी मोठी प्रेरणादायी वाटली... बीकॉम झालेला हा तरुण नोकरीच्या शोधात शहरात गेला, पण अखेर मुंबईत ऍपल व पुण्यात एलजी सारख्या मोठ्या कंपन्यातील नोकरी सोडून, गड्या आपला गावच बरा म्हणत घरी परतला. सुमारे दोन वर्षांपूर्वी त्याने रस्त्यावर असलेल्या शेताच्या कडेवर मोसंबी विक्रीचा व्यवसाय सुरू केला. रिसोडच्या एलआयसीत असलेले कुणी देशमुख त्याला एके दिवशी भेटले. मोसंबी विक्रीपेक्षा मोसंबी ज्यूस विक्री केली तर दोन पैसे जास्त मिळतील असा सल्ला त्यांनी दिला, आणि माधवने ज्यूस विक्री सुरू केली. आज प्रतिदिनी तीन ते पाच हजारापर्यंत त्याचा व्यवसाय होतो... शहरात मजा नाही, गाव ते गावच असते असे तो मोठ्या अभिमानाने सांगतो. माधव मुंबई, पुण्याची हवा खाऊन आल्याने बुजरेपण सोडून बोलका बनला. 40 वर्षांच्या आयुष्यात मोठ्या शहरात जाऊनही जे शिकायला मिळाले नाही, ते येथे ज्यूस विक्री करताना भेटलेल्या माणसांकडून शिकायला मिळाले म्हणाला. काही दिवसांपूर्वी कोणी एक दिल्लीचे अनिल भारद्वाज नावाचे गृहस्थ सायकलने चालले होते. दुपारच्या टळटळीत उन्हात घामाने लदबदलेल्या त्या गृहस्थाला पाहून माधवचे मन कळवळले. माधवने त्यांना आवाज देऊन बोलावले, खाटेवर बसवून जवळची भाजी भाकरी खाऊ घातली. थोडा वेळ आराम करून ते गृहस्थ माधवचा नंबर व पत्ता घेऊन पुढच्या मार्गाला लागले. दोनच दिवसांपूर्वी त्याचा फोन आला, की दिल्लीत गेल्यावर त्या गृहस्थाने माधवसाठी मोसंबीचा ज्यूस काढणारे ज्यूसर मशीन घेऊन पार्सलने रवाना केले आहे म्हणून... आपण कुणाचे चांगले केले तर आपलेही चांगलेच होते, यावर माधवची श्रद्धा बसली. त्रास देणारे जवळचेच असतात, बाहेरच्यांना जीव लावला तर तेही आपल्याला जीव लावतात, हे माधवला अनुभवाने शिकवले. त्यामुळे व्यवसाय करताना रस्त्याने जाणारे रंजले गांजलेले जीव तो हेरतो व त्यांना पैसे न घेता ज्यूस पाजुन जमेल ती मदत करतो. ****

आमच्या गप्पा सुरू असतानाच माधवचे वडील दशरथराव म्हशीला चारायला शेतात घेऊन आले. 1970 च्या दशकात बीकॉम झालेले व वयाची पंचाहत्तरी गाठलेल्या दशरथरावांना आम्ही लोकमतचे लोकं आहोत हे माधवने सांगताच, 'अहो तुमच्या लोकमतच्या कार्यक्रमात नानाने शिंदे साहेबाला काय भारी प्रश्न ईचारला...' असे ते उस्फूर्तपणे बोलून गेले. लोकमतच्या महाराष्ट्रीयन ऑफ द इयर पुरस्कार वितरण सोहळ्यात ज्येष्ठ अभिनेते नाना पाटेकर यांनी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांची मुलाखत घेताना, तुम्ही राजकारणी इकडून तिकडे जाताना मतदाराच्या मताला काही किंमत आहे की नाही असा प्रश्न विचारला होता. तो संदर्भ दशरथरावांच्या बोलण्यात होता. 'लोकमत'चे तळागाळातही किती गांभीर्याने वाचन होते याचीच ही पावती होती. त्यानंतर हल्लीचे राजकारण व समाजकारण यावर छान गप्पा झाल्या. भगवान श्रीकृष्णाने घडविलेली लढाई ही कौरव व पांडवांमधली नव्हती, ती धर्म व अधर्मातील लढाई होती; तशीच लढाई आज देशात सुरू असल्याचे ते बोलून गेले. आम्ही थक्कच झालो, त्यांची ही टिपण्णी ऐकून. ग्रामीण भागातील जनतेच्या जाणीवाही किती प्रगल्भ आहेत, याचेच हे प्रत्यंतर होते. #TourDiary #KiranAgrawalTourNotes

लोकमत महाराष्ट्रीयन ऑफ द इयर ... 2022

Oct 11, 2022 लोकमत महाराष्ट्रीयन ऑफ द इयर ...

सेवा, समर्पण आणि सद्भावाच्या बळावर जग बदलायला निघालेल्या सत्वशील असामान्यत्वाला सलाम करणारा सोहळा म्हणजे #LMOTY विविध कॅटेगिरीमधून निवडल्या गेलेल्या 22 गौरवार्थींच्या या सन्मान सोहळ्यात ज्येष्ठ अभिनेते नाना पाटेकर यांनी घेतलेली मुख्यमंत्री एकनाथ शिंदे व उपमुख्यमंत्री देवेंद्र फडणवीस यांची मुलाखत सर्वसामान्यांच्या मनाला भिडून गेली. अनेक मंत्री, खासदार, आमदारांसह उद्योग जगतातील मान्यवरांनी व प्रशासनातील वरिष्ठ अधिकाऱ्यांनी या सन्मान सोहळ्यास हजेरी लावली. अभिनेते रणवीरसिंह, कियारा आडवाणी यासारख्या फिल्मी दिग्गजांच्या उपस्थितीने कार्यक्रमात जान आली.

लोकमतचे संयुक्त प्रबंधक तथा संपादकीय संचालक, तरुण नेतृत्व श्री ऋषीबाबू दर्डा यांच्या संकल्पनेतून या गौरव सोहळ्याची सुरुवात झाली, जी महाराष्ट्रातील कर्तृत्ववान, सन्मानार्थिंसाठी एक माइलस्टोन बनली. हा भव्य दिव्य व सर्व क्षेत्रीय दिग्गजांच्या उपस्थितीतील सोहळा प्रत्यक्ष अनुभवणे हेदेखील आनंद व अभिमानाचेच असते. यंदाच्या या सोहळ्यात लोकमत समूहाचे चेअरमन मा. श्री. विजय बाबूजी दर्डा, एडिटर इन चीफ मा. श्री. राजेंद्र बाबूजी दर्डा व श्री. ऋषी बाबूंसह राज्यातील लोकमतच्या अन्य सहकारी, संपादकांसमवेतची ही आनंद चित्रे...

#LokmatMaharashtrianOfTheYear2022

Saraunsh published in Akola Lokmat on Oct. 16, 2022

http://epaper.lokmat.com/articlepage.php?articleid=LOK_AKLK_20221016_4_2&fbclid=IwAR26OOPfmzX2KJDynvbCms0-eez05tpD5kCf7HeS_ylFA2VS__dOygfIoR0

https://www.lokmat.com/editorial/the-rain-brought-tears-to-the-eyes-again-a520-c310/?fbclid=IwAR3m1wj36Ht9Xvq61BtMY8GpGzAjItq_MQRZZ-iKkoKeaM2_M-Xc0zSh2Lo

सिंदखेड राजा...

Oct.14, 2022 सिंदखेड राजा...

स्वराज्यप्रेरीका माँसाहेब जिजाऊंची प्रेरक भूमी, मातृतीर्थ. येथे आल्यावर क्षणभर का होईना चांदणी तलावाच्या काठावर रेंगाळल्याशिवाय मन भरत नाही. #kiranAgrawal

लोणारमध्ये रंगला गप्पांचा फड...

Oct. 14, 2022 लोणारमध्ये रंगला गप्पांचा फड...

सभा संमेलनात, कार्यक्रमात अनेक नेते कार्यकर्ते भेटतात, पण तेथे मनमोकळ्या गप्पा होत नाहीत. छोटेखानी बैठकीत मात्र सारेजण दिलखुलासपणे व्यक्त होतात, हा माझा नेहमीचा अनुभव आहे. लोणारमध्येही त्याचाच प्रत्यय आला. उल्कापातामुळे तयार झालेले बेसॉल्ट खडकातील खाऱ्या पाण्याचे आघाती विवर अशी ख्याती असलेल्या लोणार दौऱ्यानिमित्त आमच्या लोकमतच्या स्थानिक प्रतिनिधींनी तेथील विविध क्षेत्रातील मान्यवरांसोबत गप्पांचा योग जुळवून आणला. यात राजकारण, समाजकारणापासून लोणार सरोवर विकासातील अडचणींपर्यंत अनेक विषयांवर छान गप्पांचा फड रंगला. पक्षीय अभिनिवेश न बाळगता आजचे राजकारण कसे गढूळ होत चालले आहे, यावर सारे नेते मोकळेपणे बोललेत.

लोकमतचे युनिट हेड श्री आलोक कुमार शर्मा तसेच शिवसेना जिल्हा प्रमुख( शिंदे गट) प्रा. बळिराम मापारी, भा.रा.कॉं. लोणारचे तालुकाध्यक्ष राजेश मापारी, ओबीसी सेल भा.रा.काँ बुलडाणा जिल्हाध्यक्ष प्रा गजानन खरात, पोलीस निरीक्षक प्रदीप ठाकुर, प्रसिद्ध कला शिक्षक प्रा जगन राठोड, कला शिक्षक प्रा गोपाल वाकोडे (मराठी स्वाक्षरीक़ार), जेष्ठ कॉंग्रेस नेते साहेबराव पाटोळे यांच्यासह लोकमतचे जाहिरात उप व्यवस्थापक संदीप दिवेकर, स्थानिक प्रतिनिधी मुयर जैन व रेहमान नौरंगाबादी चर्चेत सहभागी झाले. #LokmatAkola #LokmatLonar #KiranAgrawalLokmat

संवेदना जागविणाऱ्या साहित्याचे सृजन व्हावे...

Oct. 09, 2022 संवेदना जागविणाऱ्या साहित्याचे सृजन व्हावे...

मूर्तिजापूर येथील सृजन साहित्य संघाचे 7वे राज्यस्तरीय सृजन साहित्य संमेलन उत्साहात पार पडले. यवतमाळचे प्रख्यात साहित्यिक विनय मिरासे अध्यक्ष होते, तर समीक्षक डॉ. चिंतामण कांबळे यांनी उद्घाटन केले. साहित्य संस्कृती मंडळाचे सदस्य पुष्पराज गावंडे, कथाकार सुरेश पाचकवडे यांच्या समवेत संमेलनास जाण्याचा योग आला.

प्रमुख अतिथी म्हणून बोलताना वर्तमान साहित्यावर विचार मांडले. मी व माझ्यात गुंतलेल्या स्वकेंद्री, स्वमग्न साहित्याच्या निर्मितीपेक्षा माणसातील माणुसकी तसेच संवेदना जागवणारे, समाजाला पुढे नेण्यासाठी दिशादर्शन करणारे व जगण्याची नवी उभारी देतानाच वंचित, शोषितांच्या भूमिकांना बळ देणाऱ्या साहित्याचे सृजन होणे आज गरजेचे असल्याचे प्रतिपादन यावेळी केले. शिक्षकी पेशात असलेल्या रवींद्र जवादे यांच्या धडपडीतून हा साहित्य संघ व संमेलन आकारास आले. डामडौलापासून दूर राहत पार पडणाऱ्या अशा संमेलनांमधून साहित्य व मराठी मातृभाषेला अधिक समृद्ध करण्याचे प्रयत्न होत आहेत हे सर्वाधिक आनंददायी आहे.

#SrujanSahityaSammelan #SrujanMurtijapur #KiranAgrawal