जयगावमा गैरी थंडी ...

11 Nov 2025 जयगावमा गैरी थंडी वाजी राह्यनी ना भो!

राज्यातील सर्वात कमी, म्हणजे महाबळेश्वर पेक्षाही कमी 10अंश सेल्सिअसच्या जवळपास तापमान येथे आहे... Kiran Agrawal #GoodMorningJalgaon #LoveYouJalgaon

Saraunsh published in Jalgaon Lokmat on 09 Nov, 2025

https://epaper.lokmat.com/articlepage.php?articleid=LOK_JLLK_20251109_4_1&fbclid=IwY2xjawOCi9RleHRuA2FlbQIxMABicmlkETFOUnJFaHgyczU3NVBTeHRpc3J0YwZhcHBfaWQQMjIyMDM5MTc4ODIwMDg5MgABHt7MaIKFLoPxqcyp4-FR5YkQecA_4iy3iJsioQ3UPL7ea6qOnQiMklowCT-d_aem_LvS7mhpZmpBb8DNDQy5dXg

Saraunsh published in Jalgaon Lokmat on 02 Nov, 2025

https://epaper.lokmat.com/articlepage.php?articleid=LOK_JLLK_20251102_2_2&fbclid=IwY2xjawOCizJleHRuA2FlbQIxMABicmlkETFOUnJFaHgyczU3NVBTeHRpc3J0YwZhcHBfaWQQMjIyMDM5MTc4ODIwMDg5MgABHp8ePjcDvmWZPRrUtaCNmSn_9oKq-kcWrvTnSDIHxMuEdgg84CUf1CNblEsA_aem_gc1iQj-2wZvSfcKrYpyNyA

Saraunsh published in Jalgaon Lokmat on 26 Oct, 2025

https://epaper.lokmat.com/articlepage.php?articleid=LOK_JLLK_20251026_2_1&fbclid=IwY2xjawOCijlleHRuA2FlbQIxMABicmlkETFOUnJFaHgyczU3NVBTeHRpc3J0YwZhcHBfaWQQMjIyMDM5MTc4ODIwMDg5MgABHvxh8LAeKuvbGsGq9drf2d3kCltFdW8D_qQXLa67BPTi23l6lrPSmWfrOENr_aem_31Jl4ZapnJns8HzCszySgA

आनंदाचे डोही आनंद तरंग...

22 Oct, 2025 आनंदाचे डोही आनंद तरंग...

दिवाळीच्या प्रकाश पर्वात सारे वातावरण सप्तरंगात न्हाऊन निघाले आहे. सर्वत्र आनंदाची व मांगल्याची बरसात होते आहे. लख्ख उजेड उधळणाऱ्या दिव्यांनी परिसर उजळून निघाला आहे... घरात लक्ष्मीपूजन आटोपल्यावर लगतचे मित्र व ज्येष्ठांच्या भेटी व त्यांचे आशीर्वाद घेऊन गच्चीवर गेलो, आकाशात फुटणाऱ्या फटाक्यांमुळे होणारा रंगोत्सव बघायला... **** पाठोपाठ धाकटी कन्या कृतिका सोबत सौ.ही आली. काहीशी शांत, निवांत होती. विचारले, एवढा उत्साहाचा हा उत्सव; तुला काय झाले? म्हटली, आज श्रुती येथे नाही... लग्नानंतरची तिची पहिली दिवाळी. तिच्या सासरी ती आहे. मनात कालवाकालव जरूर झाली, कारण गेल्या 28 वर्षात फक्त एकदाच, ती नोकरीला लागल्याच्या पहिल्या वर्षी सुटी न मिळाल्याने पुण्यात अडकली होती; म्हणून दिवाळीला सोबत नव्हती. तेवढा अपवाद वगळता कायम ती सोबत असे. पण आता तर यापुढे असेच होणार. लग्न झालेय तिचे. म्हटले, अरे आपल्या पणतीने आपण तिच्या सासरचे अंगण उजळले; हा किती मोठा आनंद! नाते संबंधाची नवी चादर शिवून मायेची मधुर उब तिला लाभलीय.. आयुष्याचा सहचर आणि आणखी एका मम्मी पप्पांच्या, दिदीच्या सहवासाने तिच आयुष्यच सुगंधी झालंय... आमच्या या दिवाळीलाही लाभलाय तिचा तो सुगंधी दरवळ. ****

हे खरं, की ती असायची तर.., असू द्या, खूप आठवणी आहेत. जागा नाही पुरणार लिहायला. वेळ नाही तितका... आमच्या वेलीवर आलेली ती एक चिमणी, भुर्रकन उडून गेली नव्या कुटुंब कबिल्यात. लेकीचं असंच असतं, इतका जीव लावलेला असतो त्यांनी आपल्याला.. कधी आईसारखा, कधी बहिणीसारखा, प्रसंगी मैत्रिणीसारखा; की त्यांचं घरातलं असणं एखाद्या अत्तरासारखं बनून जातं. सासरीच काय, लग्नापूर्वी ती नोकरीसाठी म्हणून घर सोडून पुण्यात गेली होती तर घर कसं रीतं रित वाटे आताच्या या रितेपणात मात्र एक भरलेपण आहे, कारण पंखात बळ आलेली चिमण पाखरं आपला खोपा विणतातच ना.. तिलाही लाभला असाच खोपा अन एक जोडीदार चिमणा. कसं असतं ना आयुष्य, बदलते प्रसंग आणि परिस्थितीच्या हिंदोळ्यावर झुलणारं.. त्यातच तर आहेत भाव भावनांचे सप्तरंग अन आठवणींचे कल्लोळ ****

आकाशातही फटाक्यांचा कल्लोळ उठला आहे, रंग उधळले जात आहेत, पण या गजबजाटात आम्ही कुठे तरी हरवून बसलो होतो स्वतःला. एवढ्यात व्हिडिओ कॉलची बेल वाजली... कॉल एक्सेप्ट करताच एका सुरात नाद गुंजला... हॅप्पी दिवाली ! श्रुती, जावई तुषार, चंचल, व्याही - विहिण बाई सारे कुटुंब स्क्रीनवर होते... त्यांच्याकडे यंदा साक्षात लक्ष्मी आल्याचा भाव आणि आनंद त्यांच्या बोलण्यात ओसंडून वाहताना दिसला. सारे घर आनंदात न्हाऊन निघालेले... आणखी काय हवे, कुणाही लेकीच्या बापाला आणि कुटुंबाला? त्या आनंदाच्या प्रकाश प्रवाहात आम्हीही डुंबतो, वाहतो आहोत आता... #KiranAgrawal #HappyDipawli #ShruTu.

लोकमत दिवाळी पहाट 2025 ...

20 Oct, 2025 लोकमत दिवाळी पहाट ...

मांगल्याच्या पर्वातील सुर संगीताला जेव्हा भाव भक्तीचे कोंदण लाभते तेव्हा आनंदाची टाळी लागल्याशिवाय राहत नाही. जळगावमधील श्री ओंकारेश्वर मंदिराच्या प्रांगणात लोकमत सखी आयोजित दिवाळी पहाट कार्यक्रमात तेच झाले. वाचक रसिकांचे कानसेन असे काही तृप्त जाहले की सूर्य माथ्यावर येईपर्यंत कार्यक्रम उत्तरोत्तर रंगला. गोदावरी फाउंडेशनचे अध्यक्ष डॉ. उल्हास पाटील, माजी आमदार जयप्रकाश बाविस्कर, प्रायोजक सातपुडा ऑटोमोबाईल्सचे किरण बच्छाव, वेदांती बच्छाव, ओंकारेश्वर मंदिर ट्रस्टचे जुगल जोशी, डॉ. गौरव महाजन, डॉ. प्राची महाजन, डॉ. अमित भंगाळे, गणपती ऍडचे ज्ञानेश्वर पाटील आदी मान्यवरांच्या हस्ते दीप प्रज्वलनाने या कार्यक्रमाची सुरुवात झाली. नाशिकच्या संगीतराज ग्रुपच्या संगीता भावसार व जिशान या गायकांनी गायीलेल्या सुमधुर गीतांनी रसिक मंत्रमुग्ध झाले. पारंपरिक नऊवारीचा साज लेऊन भल्या पहाटे या कार्यक्रमास लोकमत सखी मोठ्या संख्येने उपस्थित होत्या. Kiran Agrawal

#LokmatDiwaliPahat #LokmatJalgaonEvent #LokmatSakhi #KiranAgrawalLokmatJalgaon

'लोकमत'मधील दिवाळी 2025 ...

18 Oct 2025 'लोकमत'मधील दिवाळी...

आमच्या लोकमत परिवारासोबतच्या दिवाळीचे हे छायाचित्र. कार्यालयीन कामाच्या व्यतिरिक्त परस्परांमधील भावबंध जपणारा कुटुंब कबिला. आमचे बाबूजी, स्वतंत्रता सेनानी श्रद्धेय जवाहरलालजी दर्डा यांनी ही परिवाराची भावना रुजवली आणि चेअरमन आदरणीय डॉ विजयबाबूजी दर्डा व एडिटर इन चीफ आदरणीय श्री राजेंद्रबाबूजी दर्डा यांच्यासह पुढील पिढीनेही ती तितक्याच आपुलकीने व स्नेहाने जपली. लोकमत भवन जळगावच्या हिरवळीवर कार्यालयीन सहकारींसमवेत झालेला दिवाळीचा स्नेह सोहळा हा त्याचाच एक भाग... #LokmatJalgaon #LokmatDiwali #LokmatJalgaonEvent

Saraunsh published in Jalgaon Lokmat on 19 Oct, 2025

https://epaper.lokmat.com/articlepage.php?articleid=LOK_JLLK_20251019_4_1&fbclid=IwY2xjawOChnxleHRuA2FlbQIxMABicmlkETFOUnJFaHgyczU3NVBTeHRpc3J0YwZhcHBfaWQQMjIyMDM5MTc4ODIwMDg5MgABHpsQgJAEWVOxQxTh2Spn9oBg0URljM19Ps2Y_8coSl_Hc6RgJ13uhuuslM2y_aem_AxCPRSe-1L4ZoCS-4av_YQ

दिवे लागले रे दिवे लागले...

18 Oct, 2025 दिवे लागले रे दिवे लागले...

आज धनत्रयोदशी. धन्वंतरीचे पूजनाचा दिवस... पणत्या तेवल्या, आकाश कंदील लागले; दीपोत्सव होतोय... या दीपोत्सवाच्या प्रकाशात चैतन्याची व मांगल्याची बरसात होतेय. इवल्या इवल्याशा पणत्या अवघा आसमंत उजळून काढताहेत. आपणही आपल्या एखाद्या इवल्याशा प्रयत्नांनी इतरांच्या आयुष्यात आनंदाचा प्रकाश पेरण्याचा व तमाच्या तळाशी दिवे लावण्याचा प्रयत्न करूया... ।। शुभ दीपावली ।। Kiran Agrawal #KiranAgrawal #HappyDiwali

Saraunsh published in Jalgaon Lokmat on 12 Oct, 2025

https://epaper.lokmat.com/articlepage.php?articleid=LOK_JLLK_20251012_6_1&fbclid=IwY2xjawOChXJleHRuA2FlbQIxMABicmlkETFOUnJFaHgyczU3NVBTeHRpc3J0YwZhcHBfaWQQMjIyMDM5MTc4ODIwMDg5MgABHtUzToG5jU7ypo-om0fPfjO8szjHDqikaLEFnedCtPLUffHNOC0fAxTylmOr_aem_9FDngXr2GTYzmncB8ypVMQ

Saraunsh published in Jalgaon Lokmat on 05 Oct, 2025

https://epaper.lokmat.com/articlepage.php?articleid=LOK_JLLK_20251005_2_1&fbclid=IwY2xjawOChOtleHRuA2FlbQIxMABicmlkETFOUnJFaHgyczU3NVBTeHRpc3J0YwZhcHBfaWQQMjIyMDM5MTc4ODIwMDg5MgABHpsQgJAEWVOxQxTh2Spn9oBg0URljM19Ps2Y_8coSl_Hc6RgJ13uhuuslM2y_aem_AxCPRSe-1L4ZoCS-4av_YQ

Saraunsh published in Jalgaon Lokmat on 28 Sept 2025

https://epaper.lokmat.com/articlepage.php?articleid=LOK_JLLK_20250928_6_1&fbclid=IwY2xjawOChFdleHRuA2FlbQIxMABicmlkETFOUnJFaHgyczU3NVBTeHRpc3J0YwZhcHBfaWQQMjIyMDM5MTc4ODIwMDg5MgABHpsQgJAEWVOxQxTh2Spn9oBg0URljM19Ps2Y_8coSl_Hc6RgJ13uhuuslM2y_aem_AxCPRSe-1L4ZoCS-4av_YQ

यंग @60 ... साठीतल्या क्रियाशीलतेला सलाम

19 Sept 2025 यंग @60 ... साठीतल्या क्रियाशीलतेला सलाम

नियत वयोमानानंतरही आपापल्या क्षेत्रात समर्पित भावनेने योगदान देणाऱ्या जळगाव शहरातील प्रातिनिधक मान्यवर भगिनींचा लोकमत सखीच्या रौप्य महोत्सवानिमित्ताने गौरव करण्यात आला. लोकमत सखीच्या रौप्य महोत्सवानिमित्त राज्यात ठिकठिकाणी ‘यंग @60’चे आयोजन करण्यात आले. जळगावमधील हॉटेल रॉयल पॅलेस येथे पार पडलेल्या या कार्यक्रमास खासदार स्मिता वाघ, विधानपरिषदेच्या माजी आमदार मधू जैन, जिल्हा परिषदेच्या माजी सदस्या इंदिराताई पाटील, जिल्हा परिषदेच्या मुख्य कार्यकारी अधिकारी मीनल करनवाल, आर.सी. बाफना ज्वेलर्सच्या संचालिका नयनतारा बाफना आदी मान्यवर उपस्थित होते. **** शोभा पाटील, शैलजा निकम, उषा शर्मा, उषाबाई छाजेड, मंगला बारी, राजकमल पाटील, सुधा काबरा, डॉ. रजनी नारखेडे, अ‍ॅड. कालिंदी चौधरी, डॉ. ज्योती कडुसकर, डॉ. रेखा महाजन, लता सराफ, डॉ. सुमन लोढा, नीलिमा सेठीया, निर्मला पाटील या भगिनींचा यावेळी गौरव करण्यात आला.

#LokmatJalgaon #Young@60 #LokmatSakhi #LokmatJalgaonEvent #KiranAgrawalLokmatJalgaon

Saraunsh published in Jalgaon Lokmat on 21 Sept 2025

https://epaper.lokmat.com/articlepage.php?articleid=LOK_JLLK_20250921_4_1&fbclid=IwY2xjawOCgddleHRuA2FlbQIxMABicmlkETFOUnJFaHgyczU3NVBTeHRpc3J0YwZhcHBfaWQQMjIyMDM5MTc4ODIwMDg5MgABHryhH_3jUMdLJxACiHXBjIp8PN-S96k0EkcHItbjjJnXkdwJC3GzjpX8FktI_aem_FzWVQQH_5WEuELuUBvcMfQ

लोकमत अमळनेर कार्यालयाचा वर्धापन दिन 2025 ..

18 Sept, 2025 लोकमत अमळनेर कार्यालयाचा वर्धापन दिन..

स्वातंत्र्यासोबतच शैक्षणिक, वैचारिक व कामगार क्षेत्रात क्रांती घडविणारा तालुका व परिसर अशी ओळख असलेल्या अमळनेरच्या लोकमत कार्यालयाचा १८वा वर्धापनदिन सोहळा उत्साहात साजरा झाला. यानिमित्ताने समाजातील कर्तृत्ववान व्यक्तिमत्त्वांचा परिचय करून देणारी पुरवणी प्रकाशित करतांनाच संबंधितांना 'गौरव कर्तृत्वाचा' पुरस्काराने सन्मानित करण्यात आले. कार्यक्रमाला खासदार स्मिता वाघ, विधानसभेचे माजी अध्यक्ष अरुणभाई गुजराथी, माजी आमदार चिमणराव पाटील, माजी आमदार डॉ. बी एस पाटील, अहिराणी साहित्यिक कृष्णा पाटील, चोपड्याच्या लढाऊ महिला नेत्या इंदिराताई पाटील, भाजपा युवा नेत्या भैरवी पलांडे वाघ, डॉ.संदीप जोशी, आशिष गुजराथी, लोकमतचे उप महाव्यवस्थापक गौरव रस्तोगी आदी उपस्थित होते. अमळनेर, चोपडा व पारोळा तालुक्यातील वाचकांच्या स्नेहाचा हा सोहळा होता. त्यांचे यावेळी भरभरून आशीर्वाद लाभले...

#LokmatJalgaon #LokmatAmalner #LokmatAnniversary #KiranAgrawalLokmatJalgaon

लोकमत चाळीसगाव कार्यालयाचा वर्धापनदिन 2025 ...

13 Sept, 2025 लोकमत चाळीसगाव कार्यालयाचा वर्धापनदिन ...

लोकमतच्या चाळीसगाव विभागीय कार्यालयाचा 22वा वर्धापनदिन सोहळा उत्साहात पार पडला. यानिमित्त अनेक स्नेहींची भेट झाली. चाळीसगाव, पाचोरा व भडगाव तालुक्यातील वाचकांच्या अपूर्व स्नेहाच्या पाठबळावर लोकमतची यशोदायी वाटचाल राहिली आहे आणि ती उत्तरोत्तर वर्धिष्णू होत आहे. यावेळी वर्धापन दिनानिमित्त विशेष पुरवणीचे प्रकाशन व विविध क्षेत्रात आपले कार्यकर्तृत्व सिद्ध करणाऱ्या मान्यवरांचा गौरव करण्यात आला. पाचोरा भडगाव मतदारसंघाचे आमदार किशोरआप्पा पाटील, चाळीसगावचे माजी आमदार प्रा. साहेबराव घोडे, राजीवदादा देशमुख, ज्येष्ठ नेते प्रदीपदादा देशमुख, उद्योजक सुशीलभाऊ अग्रवाल, चाळीसगाव कॉलेजचे चेअरमन सुरेश स्वार, स्वयंदीप दिव्यांग महिला मंडळाच्या प्रमुख मीनाक्षी निकम, उद्योजक हरीश पल्लण, पाचोरा नगरपालिकेचे मुख्याधिकारी मंगेश देवरे, लोकमतमधील सहकारी उपमहाव्यवस्थापक गौरव रस्तोगी व्यासपीठावर समवेत होते.

#LokmatJalgaon #LokmatChalisgaon #LokmatAnniversary #KiranAgrawalLokmatJalgaon

Saraunsh published in Jalgaon Lokmat on 14 Sept 2025

https://epaper.lokmat.com/articlepage.php?articleid=LOK_JLLK_20250914_9_1&fbclid=IwY2xjawOCffFleHRuA2FlbQIxMABicmlkETFOUnJFaHgyczU3NVBTeHRpc3J0YwZhcHBfaWQQMjIyMDM5MTc4ODIwMDg5MgABHrbR1gmVVl5mgdH4jxYO0np_G7XFb21RJ3aaChx2oAzH5lPtBneB_bdqF3F4_aem_cbGpWv_6Qr07dUaLknmAaQ

Saraunsh not Published on 07 Sept, 2025

Saraunsh not published on 07 Sept. 2025 due to Anant Chaturthi holiday on 06 sept.

भुसावळ लोकमत कार्यालय वर्धापनदिन 2025 ...

31 August 2025 भुसावळ लोकमत कार्यालय वर्धापनदिन...

लोकमतच्या भुसावळ विभागीय कार्यालयाचा 25वा वर्धापन दिन सोहळा विविध मान्यवरांच्या उपस्थितीत उत्साहात साजरा झाला. यावेळी गौरव कर्तृत्वाचा पुरवणी प्रकाशित करण्यात आली. विविध क्षेत्रातील मान्यवरांचा गौरवही यानिमित्ताने 'लोकमत'तर्फे केला गेला. यावेळी राज्याचे वस्त्रोद्योग मंत्री संजय सावकारे, गोदावरी फाउंडेशनचे अध्यक्ष, माजी खासदार डॉ. उल्हासदादा पाटील, आमदार अमोल जावळे, उद्योजक मनोज बियाणी, बद्रीप्रसाद अग्रवाल, भोरगाव लेवा पंचायतचे कुटुंबनायक ललित पाटील, डीवायएसपी संदीप गावित, शरद महाजन, माजी नगराध्यक्ष विजय चौधरी, लोकमतचे उप महाव्यवस्थापक गौरव रस्तोगी आदी मान्यवरांसमवेतची काही आनंदचित्रे...

#LokmatJalgaon #HelloBhusawal #KiranAgrawalLokmat

वाघेश्वरी टेकडीवर...

02 Sept 2025 वाघेश्वरी टेकडीवर...

दूरचे डोंगर साजरे दिसतात हेच खरे. आपल्या जवळ जे असते त्याची आपल्याला फारशी किंमत नसते, किंवा आकर्षणही नसते. कधी काही निमित्ताने जेव्हा जवळचेही पाहिले जाते तेव्हा आपल्याला आपलेच दुर्लक्ष बोचायला लागते. आज नंदुरबार दौऱ्यानिमित्त तेच अनुभवयास मिळाले. नुकताच आम्ही लंडन दौरा केला. तेथे स्टोनहेज म्हणून युनेस्कोचा हेरिटेज दर्जा लाभलेली दगडी शिल्पांची साईट बघितली. तेथे दौऱ्यात सोबत असलेल्या रमाकांत पाटील यांनी येथे आल्यावर म्हटले, तुम्हाला आमच्या येथील अशा दगडी शिळा दाखवतो; आणि आणले नंदुरबारच्या वाघेश्वरी टेकडीवर. तुलना करता येऊ नये, पण येथेही भल्या मोठ्या शिळा बघायला मिळाल्या. या शिलांवर बसून शहर निहाळण्याचा निवांतपणा वेगळाच आनंद देऊन जाणारा व भान हरपायला लावणारा आहे हे नक्की. (छाया सौजन्य: मनोज शेलार) #KiranAgrawal #WagheshwariNandurbar

Saraunsh published in Jalgaon Lokmat on 31 August 2025

https://epaper.lokmat.com/articlepage.php?articleid=LOK_JLLK_20250831_4_1&fbclid=IwY2xjawOBSo5leHRuA2FlbQIxMABicmlkETFmUzVGWEc2Q2lBSFRhcjhmc3J0YwZhcHBfaWQQMjIyMDM5MTc4ODIwMDg5MgABHnVCIQUf_4zOj7jXZhz9uKWZd9pL0LHi8qlPOur8qkYrZVkaaszEX02DI6p__aem_VJTdAnuxO4uSkhBRWIj2VA

London Tour 5

'थेम्स'च्या तीरावर...

नद्या कुठल्याही असोत, त्यांचा प्रवाह काठावरील जनजीवनाला संपन्न आणि समृद्धही करीत असतो. जल हे जीवन असते, त्यामुळे या जलाच्या प्रवाहातून संस्कृतीचेही पोषण होत असते. आपल्याकडे गंगा, गोदावरी, कृष्णा - कोयनेचे काठ या संपन्नतेची साक्ष ठरले आहेत, तसे लंडनच्या 'थेम्स'चेही आहे. गोदावरी जशी नाशिकच्या मध्यातून वाहते, तशीच थेम्स लंडनच्या मध्यातून. या थेम्सच्या तीरावर अलीकडे व पलीकडे वसलेले लंडन शहर हे ब्रिटिश साम्राज्याच्या उद्योग, कला, साहित्य, शिक्षण आदी सर्व क्षेत्रीय वैभवशाली वारशाची जपणूक करून आहे. विविध ऐतिहासिक संग्रहालये, मनोरंजनाची व पर्यटकीय ठिकाणे येथे आहेत. एकेक इमारती व त्यांची वास्तुकला अशी की फक्त बघतच राहावे. टापटीप व शिस्तशिरपणात ब्रिटिशांचा हात कुणी धरू नये. लोकमत ग्लोबल इकॉनॉमिक कन्वेंशनच्या निमित्ताने साहेबांच्या देशात फिरणे झाले. या दौऱ्यातीलच ही काही आठवण चित्रे...

#LokmatGlobalEconomicConventionLondon2025 #KiranAgrawal #LondonTour #KATourDiary #Thames